Nahum 2:11 - Tedim Bible

¹¹ Humpinelkai note an a kivakna mun, humpinelkai le a note lungmuang a a omna mun, humpinelkaite’ kua tawh a kibang koi-ah omta ahi hiam?

Tedim Bible Revision 2017

¹¹ Humpinelkai note an a kivakna mun, humpinelkai le a note lungmuang a a omna mun, humpi-nelkaiteʼ kua tawh a kibang koi ah om ta ahi hiam?

Nahum 2:11 Referans Kwoze

Isaiah 5:29

Amaute’ kikona pen humpinelkai hawk bang a, humpinelkai khanglaite bangin amaute a hawk uh hi. Amaute humhamin a sa nek ding uh man uh a, amaute in puakhia-in kuamah in honkhia zo lo hi.

Jeremiah 2:15

Humpinelkai bangin a galte in amah hawksan uh a, nakpitakin a hawkgawp uh hi. A gam uh gam simtham a suah uh a, a khuapite uh cimin kuamah teng lo hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Nahum 3:1

Zuauna le mi thahna tawh a kidim khuapi, van top ding tampi a omna khuapi, tu-in a siacip ding hita hi.

Jeremiah 50:44

“En un, lonona-ah nuamtakin a om tuute, Jordan gam tulak panin a hong paito humpinelkai in a delhmang bangin a gam uh nusia-in thakhat thu-in amaute ka taimangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua omlai ahi hiam? Ka mai-ah kua kumpi hong ding ngam ding ahi hiam?

Jeremiah 50:17

“Israel mite, humpinelkai in a delhmang tuu tawh a kibang uh hi. A masa-in Assiria kumpipa in ne a, tu-in a tawpna-ah Babylon kumpipa Nebukhadnezzar in a guh dongin a teeptum hi.

Jeremiah 4:7

Humpinelkai khat a bukna sawlkawm panin hong kuankhiazo a, gamte a susia ding pa hong paikhiazo hi. Na gam uh a kisiasak ding le na khuapite uhah kuamah a ten loh nadingin a susia dingin ama omna panin hong kuankhia khinzo hi.

Isaiah 31:4

Bang hang hiam cih leh Topa in keima tungah hih bangin hong ci hi: Humpinelkai ahi a, humpinelkai khanglai a hat mahmah in ahi zongin a sa nek ding a ngik ciangin tua humpi a do dingin tuucing honpi khat kikaikhawmin, amaute’ otna hangin lau tuan hetloin, amaute’ gamlumna hangin a sin a dawi tuan loh mah bangin Vanglian Topa zong Zion Mual tungah galdo dingin kuansuk ding hi.

Piancilna 49:9

Judah pen humpinelkai tawh kibang a, a sa matsa a nek khit ciangin a kua-ah a ciahkik tawh kibang hi. Humpinelkai bangin kizia-in a lumsuk hi. Kua in amah phawng ngam ding hiam?

Gamlak-vakna 23:24

En un, hua mite! Humpinelkai bangin thoto a, humpinelkai bangin kaangto hi. A an a nek mateng, amaute’ si a dawn mateng, lumsuk lo hi,” a ci hi.

Ezekiel 32:2

“Mihing ahi Ezekiel aw, Egypt kumpipa Faro tamlawh inla, hih bangin ci in: “Minam dangte lakah, humpinelkai bangin na kingaihsun hi. Ahi zongin nang pen gunsung tokgawpin a ninsak, awle tawh na kibangzaw hi.

Micah 5:6

A namsau uh tawh Nimrod’ gam ahi, Assiria gam zo ding uh a, Assiria mite in i gam hong sim ciangin amaute’ kiang panin eite hong honkhia ding uh hi.

Nahum 2:12

Humpinelkai in sa manin a zi le a tate a dingin a sa balnensak a, a kua sung khempeuh sa tawh kidimsak ngei hi.

Isaiah 13:7

Tua ahih ciangin khut khempeuh zaw-in, mi khempeuh’ lungsim tuisuak ding a, amaute lungkia ding uh hi.

Joel 2:6

Amaute hong pai ciangin mi khempeuh lau uh a, a maitang uh daanggawp hi.