Nahum 1:9 - Tedim Bible

⁹ Bang hangin Topa sawm ngam na hi hiam? Amah in nang hong susia ding hi. Amah a su peuhpeuh a dingkikzo om ngei lo hi.

Tedim Bible Revision 2017

⁹ Bang hangin Topa sawm ngam na hi hiam? Amah in nang hong susia ding hi. Amah a su peuhpeuh a dingkik zo omngei lo hi.

Nahum 1:9 Referans Kwoze

Late 33:10

Topa in minamte’ thungaihsutna a mawkna suahin, mite’ geelna a khaktan hi.

Late 21:11

Nangma langah siatna ding vaihawmin, gitlohna a bawl uh hangin tangtung lo ding uh hi.

Paunak 21:30

Mihingte’ pilna, a thutheihna le a thugente khempeuh, Topa’ deihna tawh a kituah kei leh a kimanna om lo hi.

2 KORIN NIHNA 10:5

Mite’ ngaihsutna a man lote ka thalnial gawpzo uh a, Pasian’ thu theih nading a khaktan thei nate ka susiagawp uh a, mi khempeuh’ ngaihsutna zo gawpin Khrih’ thu a mang dingin ka bawl uh hi.

Nahum 1:11

Nineveh khuapi aw, gitlohna tawh thu vaihawmin, Topa a sawm mite, nang’ sungah om hi lo ahi hiam?

1 SAMUEL MASA 26:8

Tua ciangin Abishai in David kiangah, “Pasian in na gal pa tuni-in na khut sungah hong pia ahih ciangin tu-in teipi-in lei tawh khatvei bek hong khawhcipsak in, nihvei khawh ding kisam lo hi,” a ci hi.

1 SAMUEL MASA 3:12

Tua ni ciangin ama innkuan tawh kisai ka gensa khempeuh a patna pan a tawpna dong Eli tungah ka tungsak ding hi.

2 SAMUEL NIHNA 20:10

Ahih hangin Amasa in Joab’ khutsunga om namsau mu lo hi. Tua ahih ciangin Joab in a namsau tawh a pumpi sat a, nihvei sat kul loin a gilpi leilakah buakhia hi; tua ciangin Amasa a si hi. Tua ciangin Joab le a sanggampa Abishai in Bikhri’ tapa Sheba delh uh hi.

Isaiah 28:22

Tua ahih ciangin tu-in, note hong kikhihna a to mahmahin kibawl kha ding ahih manin thusim loin om kei un. Bang hang hiam cih leh mihonpite’ Topa Pasian’ tung panin gambuppi-ah siatna ding thukhenna ka za khin hi.

Jeremiah 51:64

‘Babylon khuapi’ gitlohna hangin a tungah gimna ka tungsak ding a, tu-a bangin Babylon khuapi zong tumsukin a hong dawkkikto nawn kei ding hi,’ ci-in gen in,” ka ci hi. Jeremiah’ thugenna tu-a ciang ahi hi.

Ezekiel 7:5

Topa Pasian in a gen thu in: “Note’ tungah haksatna khat khit khat a banbanin hong tung thuahthuah ding hi.

Ezekiel 21:5

Topa ahi keimah in namsau ka dawh khitna le a paai-ah ka siatkik loh nading thu mi khempeuh in thei ding uh hi,’ ci-in gen in.

Hosea 7:15

Amaute khoi-in a thahat mite suaksak napi-in, amaute in kei hong lehsawm zawsop uh hi.