Nahum 1:5 - Tedim Bible

⁵ Ama mai-ah mual liante ling a, mual neute a tuisuak hi. Ama mai-ah leitang kicim a, leitung le a tunga om khempeuh a ling uh hi.

Tedim Bible Revision 2017

⁵ Ama mai ah mual liante liing a, mual neute a tui suak hi. Ama mai ah leitang kicim a, leitung le a tunga om khempeuh a liing uh hi.

Nahum 1:5 Referans Kwoze

Micah 1:4

Meikhuk sungah khuainun a kikoih bangin ama khenuai-ah mualliante tuisuak ding a, mualtung panin tui a luangsuk bangin, guam sungah tua mualte luangsuk ding hi.

Jeremiah 4:24

Mualte ka et leh kiling damdam uh a, mual neute kileh kawikawi uh hi.

2 SAMUEL NIHNA 22:8

“Tua ciangin ama hehna hangin leitung kisingin, nakpitakin kilokgawp a, vantung bulpite kilinggawp hi.

Habakkuk 3:10

Mual liante in nang hong muh ciangin ling uh a, van panin guah tampi hong zu hi. Leinuai-a om tuite ging zuazua a, tuihualte in a sangpipi banto hi.

Late 68:8

nangmah Pasian na om manin lei kiling gawpin vantungte in guah a zusak hi. Pasian ahi, Israel Pasian’ omna-ah Sinai mual nangawn a kiling gawp hi.

Thukhente 5:5

Topa’ mai-ah mualte kiling hi, Israel Pasian, Topa’ mai Sinai galkhatah.

Late 114:6

mual liante aw, tuu bangin mual neute aw, tuuno bangin na dianna ding uh bang in hong nasak ahi hiam?

Late 114:4

Mual liante tuutal bangin diang uh a, mual neute tuuno bangin a diang uh hi.

Late 98:7

Tuipi le a sunga omte khempeuh aw, awng unla, leitung le a tunga teng khempeuhte aw, la sa un.

Late 46:6

Minamte lungkham uh a, kumpi gamte kiling hi. Ama aw gingkhiasak a, leitung kicimgawp hi.

Paikhiatna 19:18

Meikhu in Sinai Mual tuamcip hi. Bang hang hiam cih leh mei sung tua mualtungah Topa a kumsuk hi. A khu, meiphualpi khu bangin kahto a, a mual buppi nakpitakin kiling hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van lengkhiamang a, a tunna mel uh kithei lo hi.

Mattiu 28:2

Thakhatin zin nakpitakin hong ling hi. Topa’ vantungmi khat, vantung panin hong paisuk a, han hukna suang a likkhiat khit ciangin a tungah a tu hi.

Mattiu 27:51

Tua laitakin biakinn sung deina puan, a lu panin a taw dongin kikekin phelnih a suak hi. Zin zong lingin suangtumpite kitam hi.

Mangmuhna 6:14

Laidal a kizial bangin vanpi kizialin maimang a, mual le tuikulhte khempeuh a omna uh panin maimangta hi.

Late 18:7

Ama hehna hangin leitung kipumpei-in kivei a, mual bulpite zong kisingin ling damdam hi.

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vatgawp a, mualte a kiling hi. Amaute’ luanghawmte kongzing lampite-ah nin bangin a om hi. Hih bang teng hangin zong a hehna damzo nai loin ama khut kizanlai hi.

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga a teng mite thehthang gawp ding hi.

Isaiah 24:20

Leitung pumpi zukham bangin hoi ding a, huihpi’ mutgawp buk bangin awn ding hi. Ama mawhnate in nengcip gawp ding a, amah pukin thokikzo ngei nawn lo ding hi.

Joel 2:10

Amau’ mai-ah leipi ling a, vanpi nangawn ling damdam hi. Ni le kha zong mialta a, aksite zong taang nawn lo hi.

Zekhariah 4:7

Thuhaksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeingai laitakin a khupna suang na ciang ding hi, hong ci hi,” a ci hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

JOB (Job) 9:5

Pasian in mualte lingsak a, tawlngasak lo hi. Ama hehna tawh mualte a lumlet hi.

JOB (Job) 26:11

Amah in vanpi a pua khuampite a taii ciangin tua khuampite lau-in a ling uh hi.

Late 18:8

Ama nakvangte panin meikhu pusuak hi. Ama kam panin mei husia pusuak a, ama tung panin mei-am san kuangkhia hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Ezekiel 38:20

Ngasate le vasate, ganhing a neu a lian, le leitung a om mi khempeuh, keimah kihtakna hangin lau-in ling ding uh hi. Mualte pukin, keente cimin, kulh le phung khempeuh kicimmang ding uh hi.

Amos 9:5

Vanglian Topa Pasian in leitung a lawn’ ciangin tuisuak a, leitung a om mi khempeuh a kap uh hi. Nail Gunpi bangin leitung buppi khangto-in kiamsuk ding hi.