Nahum 1:3 - Tedim Bible

³ Topa lungduai mahmah a, a vang zong lian mahmah a, ahih hangin mimawhte khahkhong ngei lo hi. A paina peuhpeuhah huihpi nungin pingpei kipei a, ama paina hanga leivui leeng meiipi kai tawh kibang hi.

Tedim Bible Revision 2017

³ Topa lungduai mahmah a, a vang zong lian mahmah a, ahih hangin mimawhte khah khong ngei lo hi. A paina peuhpeuh ah huihpi nungin pingpei kipei a, ama paina hanga leivui leeng meiipi kai tawh kibang hi.

Nahum 1:3 Referans Kwoze

Late 147:5

Eite’ Topa lian a, ama vang lian mahmah hi. Amah in thu a theihtelna pen ngaihsutzawh ding hi lo hi.

Nehemiah 9:17

Amaute in thu mang nuam lo uh a, amaute lakah na bawl na lamdangte ngaihsun kha lo uh hi. Amaute lungkhauh niloh uh a, a salsuahna uh Egypt-ah a paipih kik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Late 145:8

Topa dikin hehpihna nei a, heh hak mahmahin itna kip lianpi a nei hi.

Late 104:3

Vana om tui tungah na inn na lam a, na leeng dingin meiipite na bawl a, huih khate tungah nang na tuang hi.

Late 103:8

Topa dikin hehpihna tawh kidim a, heh hakin, a lian mahmah itna kip tawh a kidim hi.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Zekhariah 9:14

Ama mite tungah Topa kilang ding a, a thaltang lotte khuaphia bang ding hi. Topa Pasian in peengkul tum ding a, leitaw lam panin a hong pai huihpi tawh a va kuankhia ding hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai ding a, huihpi bangin a leengte hong pai ding hi.

JOB (Job) 9:4

Amah pil mahmah a, vanglian mahmah hi. Kua in khauhtakin nial a, nial paisuakzo ahi hiam?

Mangmuhna 1:7

En un, amah hong paita ding a, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Mattiu 26:64

Tua ciangin Jesuh in, “Nangmah in tua mah na ci khin hi. Ahi zongin note khempeuh kiangah ka hong genin-ah: Vanglianpa’ taklamah Mihing Tapa omin meii tungah a hong pai na mu ding uh hi,” a ci hi.

Jonah 4:2

Topa’ kiangah thu ngen a, “Kong thum hi, Topa aw; ka gam sungah ka omlai pekin hici mah in teh, ci hi lo ka hi hiam? Hanciamin Tarshish khua-ah ka taisimna zong tua hang mah ahi hi; bang hang hiam cih leh nang pen a hehpih thei Pasian, a hehhak, a migi mahmah, siatna tunsak ding a kisiknuam Pasian na hihna kong thei hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai-ah Egypt gam milimte lau-in ling ding uh a, Egypt mite’ hanna beita ding hi.

Late 66:3

Pasian’ tungah thu gen unla, “Nangma bawlnate bangzahta-in dipkuathuai! Na vang lian mahmah ahih manin na mai-ah na galte in nang hong mai-et uh hi.

Late 62:11

Vangliatna pen keima a’ hi, ci-in Pasian in a genna ka zak ngeingeisa ahi hi.

JOB (Job) 38:1

Tua ciangin huihpi lak panin Topa in Job tungah thu hong gen a,

JOB (Job) 10:14

Ka khialhkhaknate hong ensim niloh na hih manin ka mawhnate hong maisak nuam lo na hi hi.

Joel 2:13

Na dah taktakna uh lungkhamna tawh langsak unla, na puante uh a balkek bek hi kei un,” hong ci hi. Topa, note’ Pasian kiangah ciahkik un. Amah migi mahmahin hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Late 50:3

Eite’ Pasian hong pai a, amah dai ommawk lo hi. Ama mai-ah mei husia om a, a kimkotah huihpi om hi.

2 SAMUEL NIHNA 22:10

Amah in vantungte niamsakin hong paisuk a, ama khenuai-ah khuamial sahpi om hi.

Isaiah 29:6

Vanglian Topa in vanging, zinling, a ging lianpi, pingpei le huihpi le, a kangtum thei meikuang tawh nang hong hon ding hi.

Jeremiah 4:13

En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Hosea 8:7

Paunak-ah, Huih a tuhte in huih ngahkik ding a, a vui om lo an kung in annek ding piangsak lo hi, kici hi. A vui om lo an kung panin an kingah mah taleh zong gamdang mite in netum ding hi.