Nahum 1:2 - Tedim Bible

² Topa Pasian in amah a demte koihkhong lo a, amah a langpangte gim pia-in a galte thukkik hi.

Tedim Bible Revision 2017

² Topa Pasian in amah a demte koihkhong lo a, amah a langpangte gim pia-in a galte thukkik hi.

Nahum 1:2 Referans Kwoze

Zekhariah 8:2

amah in, “Jerusalem mite ka itluatna hangin Jerusalem khuapi ka huh nuam mahmah a, hih banga ka itluatna in a galte tungah ka heh hong suaksak hi.

Paikhiatna 20:5

Tuate’ mai-ah na kun kei ding uh a, tuate na bia kei ding uh hi. Bang hang hiam cih leh keimah note’ Topa Pasian, a aam Pasian ka hi a, kei hong mudahte’ tungah pate’ mawhna tate’ tungah khang thum khang lina dongin thuk-in,

Late 94:1

A thukkik Pasian, a thukkik Pasian, Topa aw, na hehna hong lakkhia in.

Paikhiatna 34:14

”(Pasian dang na bia kei ding hi. Bang hang hiam cih leh Topa, ama min Aam a hi pa pen a aam Pasian ahi hi.)

Joshua 24:19

Ahih hangin Joshua in mite kiangah, “Topa’ na na semzo kei ding uh hi. Bang hang hiam cih leh amah pen a siangtho Pasian hi a, a aam Pasian zong ahi hi. Note’ thupalsatna ahi a, na khialhna uh ahi zongin hong maisak lo ding hi.

Hebru 10:30

Bang hang hiam cih leh, “Phulakna keima a’ hi a, ka thukkik ding hi,” a ci pa le, “Topa in ama mite thu a khen ding,” a ci pa i theih ahi hi.

Isaiah 42:13

Mi thahatpa bangin Topa kuankhia a, gal a do mipa bangin ama hehna sosak hi. Amah kiko-in nakpitakin awngkhia a, ama hatna a galte tungah a lak hi.

Thu-hilhkikna 4:24

Bang hang hiam cih leh Topa na Pasian uh hong kangtum thei mei tawh kibang a, a haza Pasian ahi hi.

2 PETER NIHNA 2:9

Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.

ROM (Romans) 12:19

Lawmte aw, na hehna uh kuama tungah thukkik kei unla, Pasian’ thukkik dingin koih lel un. Bang hang hiam cih leh Lai Siangtho sungah, “Keimah in amaute tungah ka thuk ding a, midangte a gimsak bangun ka gimsak ding hi, Topa in ci hi,” ci-in kigelh hi.

Micah 5:15

Keima thu a hong mang lo minamte tungah hehna tawh phu ka la ding hi.

Joel 2:18

Tua ciangin Topa in ama leitang hong donin, ama mite hong hehpih hi.

Ezekiel 39:25

Topa Pasian in kei kiangah, “Tu-in Jakob suanlekhak Israel mite ka hehpih ding a, amaute a cithei-in ka bawlkik ding hi. Keima min siangtho ka hu ta ding hi.

Ezekiel 6:12

A gamla a om mite cina-in si ding uh a, a nai-a omte gal sungah si ding uh hi. A omlai sunte gilkialin puksi ding uh hi. Amaute in keima hehna thuak ding uh hi.

Jeremiah 4:4

Judah mite le Jerusalem khuamite aw, Topa’ thu zui unla, lungsim takpi tawh zui un. Na tuacih kei uhleh na bawl uh mawhnate hangin ka hehna mei bangin hong kuangkhia ding a, a phelhzo kuamah om lo ding hi,” a ci hi.

Isaiah 51:20

Na mite gim khin a, ngenthang sungah a awk sanang bangin lam kiu khempeuhah amaute lum uh hi. Topa’ hehna, na Pasian’ taina amaute in a thuak uh hi.

Isaiah 51:17

Topa’ khutsung panin ama gimpiakna hai a dawn khin, hoina haipi a tawdat dongin a dawn khin Jerusalem aw, nangmah kisosuah tawm in. Nangmah kihanthawn tawm inla, dingtangto in.

JOB (Job) 20:23

Amah in a duhduh ne mai hen! Pasian in hehna tawh amah gim pia ngawn ding hi.

Siampi Laibu 26:28

note ka hong heh ngawh bawl ding a, note’ khialhna hangin a zah sagih vei-in kong thuhilh ding hi.

ROM (Romans) 13:4

Ukna thuneite pen note’ hoih nadingin Pasian’ nasemte ahi uh hi. Ahi zongin a sia-in na gamtat uhleh gim hong pia taktak ding uh ahih manin na lau ding uh ahi hi. Bang hang hiam cih leh amaute pen Pasian’ nasemte hi a, a sia-in a gamta mite tungah Pasian’ hehna bangin gim a pia dingte ahi uh hi.

Zekhariah 1:14

Vanglian Topa in ama tungah a gensa thute khempeuh keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpitakin itin ka lunghimawh hi.

Micah 7:18

Topa aw, nang tawh a kibang Pasian dang om lo a, a omlai na mite’ mawhna nangmah in na maisak hi. Nang na heh paisuak kei a, na itna kip nong lak hi.

Ezekiel 38:18

“Ahi zongin Gog in Israel gam a sim ni ciangin ka heh suak mahmah ding hi.

Ezekiel 36:6

Tua ahih ciangin Israel gam tawh kisai-in mailam thu genkhol inla, a kimkotah a om minam dangte in a simmawh bawlna hangun Topa Pasian ahi keimah in hehna tawh ka thugente, mual lian, mual neu, lui le guamte tungah gen in.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amaute’ thungetna ka ngai kei ding hi,” a hong ci hi.

Ezekiel 5:13

“Ka lung a kim dongin kong hih ding a, ka hehna le ka sinsona teng na thuak ding uh hi. Note tungah hih thute hong tun ciangin, note’ cihtak lohna hangin deihsak luatna tawh a hong heh pau ka hihna na phawk ding uh hi.

Kah la 4:11

Topa in a hehna khempeuh siit nawn loin hong buakhia a, meikuang tawh Jerusalem hong hal ahih manin a kangtum hi.

Jeremiah 36:7

Topa’ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih mite’ tungah Topa in tunsak dingin a gensa a hehna le a thangpaihna lian mahmah hi,” ka ci hi.

Jeremiah 25:15

Topa, Israel mite’ Pasian in kei hong hopih a, “Ka khuttung panin hehna tawh a kidim hih leenggahzu hai la inla, kong sawlna gamte khempeuh dawnsak in.

Jeremiah 3:5

nang keima tungah heh tawntung ding na hi hiam? A tawp dongin lungham den ding na hi hiam?’ na hong ci hi. En in, tua bang na cih hangin, siatna na hih theih khempeuh na hih khinzo hi,” a ci hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai ding a, huihpi bangin a leengte hong pai ding hi.

Thu-hilhkikna 7:10

amah a mudah mite, suksiatna tawh a thukpah pa ahihna thei un. Amah a mudah mi tungah zekai loin a maitang mahah thuk ding hi.

Jeremiah 28:8

Nang le kei’ ma-in a om, tanglai-a kamsangte in gam tampi le gam liante’ tungah gal ahi zongin, kial ahi zongin, pulnatna ahi zongin hong tung ding hi, ci-in a genkholzo uh hi.

Ezekiel 38:19

Tua ni ciangin ka hehluatna tawh Israel gamah nakpitakin zin ling hen, ka ci ding hi.

Paikhiatna 34:7

mi tul tampite a dingin itna kip a nei; mawhna, thu palsatna le khialhna maisakin; ahih hangin bangbang hitaleh mawhna a khahkhong ngei lo; pate’ mawhna tate’ tung le tute’ tung, khang thum khang lina dongin a thukpa,” ci-in a pulak hi.

Gamlak-vakna 25:11

“Siampi Aaron’ tapa Eleazar, Eleazar’ tapa Finehas in Israel mite tungah ka hehna damsakkik hi. Keimah in pammaih ka sak bangin amah in pammaihsa ahih ciangin pammaih ka sakna tawh Israel mite ka beisak kei hi.

Jeremiah 50:15

Khuapi a sim dingin a kimkotah awng un. Babylon khuapi in note hong lel khinzo hi. A galdalte uh cim khin a, a kulhte uh puk khinta hi. Hih pen Topa’ phulakna ahih manin, amau’ tungah phu la un. Midangte tungah a bawl bangin amau’ tungah zong bawl un.