Nahum 1:14 - Tedim Bible

¹⁴ Topa in Assiria mite tawh kisai-in hih bangin thu pia hi: “Note na cimang ding uh a, na pasian-te uh biakinn sunga om milimte ka susia ding hi. Note siahuai lua na hih manun na hankhuk ding uh a bawlbawl ka hi ta hi,” a ci hi.

Tedim Bible Revision 2017

¹⁴ Topa in Assiria mite tawh kisai-in hih bangin thu pia hi: “Note na cimang ding uh a, na pasian-te uh biakinn sunga om milimte ka susia ding hi. Note siahuai lua na hih manun na hankhuk ding uh a bawlbawl ka hi ta hi,” a ci hi.

Nahum 1:14 Referans Kwoze

Late 109:13

Ama suanlekhakte bei hen la, khang khat sungin a vangliatna maimang tahen.

Micah 5:13

Note’ biak milimte le na biakna songte uh ka susia gawp ding a, note’ bawlsa nate na bia nawn kei ding uh hi.

Paunak 10:7

Mihoihte kiphawkphawk a, migilote kimangngilh pah hi.

2 KUMPI NIHNATE 19:37

Tua ciangin amah in ama pasian Nisrok’ biakinn sungah bia-in a om laitakin, ama tapate Adrammelek le Sharezer in namsau tawh amah thatin Ararat gamah a tai uh hi. Tua ciangin ama tangin a tapa Esarhaddon in a uk hi.

Daniel 11:21

“Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suakvat ding hi.

Jeremiah 50:2

“Gam khempeuhah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawpta hi. A milimte uh maizum ta a, a pasian-te uh kisiagawp ta hi,’ ci-in taangko un.

Isaiah 33:13

Gamlapi-a a om mite aw, ka sepna thu za un. A nai-a a om mite aw, ka vangliatna thei un.

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai-ah Egypt gam milimte lau-in ling ding uh a, Egypt mite’ hanna beita ding hi.

Late 71:3

Hong hon dingin ka belh suangpi, ka kulh muanhuai, hong hi ta in; bang hang hiam cih leh keimah hong honpa le ka belh pa na hi hi.

2 KHANG TANGTHU NIHNATE 32:21

Tua ciangin Topa in Assiria kumpipa’ giahphual ah a thahat galhang khempeuh le galkap a ukte le uliante a susia vantungmi khat a sawl hi. Tua ahih ciangin ama gamah maizumna tawh a ciahkik hi. Ama pasian’ inn sungah amah a tun ciangin ama tapate pawlkhat in namsau tawh amah satlum uh hi.

1 SAMUEL MASA 3:13

A tapate in Pasian mindaisak a, amah in a tate kham lo ahih manin, ama theih a mawhna hangin ama innkuan gimna a pia tawntung ding ka hihna ama kiangah ka gen hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, note’ milim’ siluang hawmte tungah na luanghawmte uh ka pai ding a, keimah in note kong kih ding hi.

Paikhiatna 12:12

“Bang hang hiam cih leh keimah in tua zanin Egypt gam ka nawk ding a, Egypt leitang tungah mihing hitaleh ganhing hitaleh tacil khempeuh ka vatlum ding a, Egypt pasian-te khempeuh tungah thu ka khen ding hi. Kei pen Topa ka hi hi.

JOB (Job) 18:17

Inn le gamah ama minthanna beita a, kuamah in amah phawkkha nawn lo hi.

Micah 5:14

Na gam sung uha a om Asherah nusian milimte hong bawhkhiat sakin, na khuapite uh ka susia ding hi.

Habakkuk 2:10

Note’ vaihawmna mah in na mite uh tungah maizumna hong tun a, minam dangte na suksiatna uh tawh, note mahmah’ siatna ding a bawl na hi uh hi.

Daniel 5:27

Tekel pen kitawikhai a cihna hi a, nang hong kitawikhai-in na lek zo kei hi, a cihna ahi hi.