Micah 7:3 - Tedim Bible

³ A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Tedim Bible Revision 2017

³ A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

Micah 7:3 Referans Kwoze

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngte’ thu a manin na khen kei uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Mattiu 26:15

“Note’ khut sungah amah hong pia leng, note in kei bang tawh hong guai ding na hi uh hiam?” a cih ciangin ngun peek sawmthum a pia uh hi.

Hosea 4:18

Amaute, zukham honpi hi uh a, nulepa mawhna a bawlbawl uh hi. Minphat ding sangin minsiat ding utzaw uh hi.

Ezekiel 22:27

A kumpi uliante uh, a sa matsa uh a bal gawpgawp ngiahon tawh kibang uh hi. Sum ngahtheih nadingin mi that uh hi.

Ezekiel 22:6

Na sunga om Israel ulian khempeuh in amau’ thatang muang uh a, mi that uh hi.

Jeremiah 3:5

nang keima tungah heh tawntung ding na hi hiam? A tawp dongin lungham den ding na hi hiam?’ na hong ci hi. En in, tua bang na cih hangin, siatna na hih theih khempeuh na hih khinzo hi,” a ci hi.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnu’ thu amaute in sang lo uh hi.

Paunak 17:23

A ginalo thukhente in sumgolh sangsim uh a, a thukhenna uhah thuman om nawn lo hi.

Isaiah 3:5

Mite khatlekhat, mi khempeuh in a lawmte ciat, mi khempeuh in a vengte ciat, hihgawp ding uh hi. Khangnote pen uhamte tungah, mi ginalote pen miliante tungah kiphasak ding uh hi.

Isaiah 5:23

mimawhte sumgolh tawh khah a, midikte a mawhsakte in gimna ngah ta hen!

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

Ezekiel 9:9

Tua ciangin amah in hong dawng a, “Israel mite le Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Ezekiel 22:12

Pawlkhat in sum deih manin mi that uh hi. Pawlkhatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Hosea 7:3

Amaute in a zuaupiteng uh tawh kumpipa lungdamsak uh a, a khemnateng uh tawh a uliante uh nuamsak uh hi.

Micah 2:8

Ahi zongin Topa in hih bangin hong ci hi: Note pen ka mite’ gal na suak uh a, galsung panin a hong ciahkik, lungmuang a a inn-ah a om mite’ puantualpi ngahte na sut uh hi.

Micah 3:2

thuhoih deih loin thusia na deih zawsop uh hi. Note in mite’ vun na hing hawkkhiat uh a, a guh uh na hing kheuh uh hi.

Paunak 16:30

A mit hong sitsante thusia a ngaihsun hi a, a neh hong piksante thusia geel ahi hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Ezekiel 34:21

Note in a cidam lote na ki uh tawh si gawpin, a hon lak panin na nawtkhia uh hi.