Micah 7:16 - Tedim Bible

¹⁶ Minam dangte in hih thu mu ding uh a, minam thahat hinapi-in a maizum ding uh hi. Lamdang sa-in kam khat zong pau lo ding uh a, hih thu a zakzakna-un a bil uh ngong liang ding hi.

Tedim Bible Revision 2017

¹⁶ Minam dangte in hih thu mu ding uh a, minam thahat hi napi-in a maizum ding uh hi. Lamdang sa-in kam khat zong pau lo ding uh a, hih thu a zakzakna un a bil uh ngong liang ding hi.

Micah 7:16 Referans Kwoze

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Isaiah 52:15

Tua ahih ciangin amah in minam tampite dipkuasak ding a, ama hangin kumpite in a kam uh cih ding uh hi. Bang hang hiam cih leh amaute tungah a kigen ngei lo nate mu ding uh a, amaute in a zak ngei loh uh nate theitel ding uh hi,” a ci hi.

JOB (Job) 40:4

“Topa aw, ka haipau kha hi. Hong bangci dawn theih ding ka hi hiam? Tu a kipanin ka pau nawn kei ding hi.

Mangmuhna 11:18

Na hehna hong kilat hun hong tungta a, misite thukhen nading hun hong tungta ahih manin minam dangte heh mahmah uh hi. Nangma nasem kamsangte, a lian a neu, nang hong kihta mi khempeuhte thaman na piak ding hun hi ta a, leitung a susia mite na suksiat ding hun hi ta hi,” a ci uh hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Zekhariah 12:9

Jerusalem sim ding a hanciam minam khempeuh tua ni ciangin ka susia ding hi.

Micah 5:8

A omlai Israel mite pen minam dangte’ lakah, gamlakah sa a beng, tuute a tuah ciangin manin balnen gawp a, a kam sung pan a honkhiazo a om lo, humpinelkai a bang ding uh hi.

Ezekiel 38:23

Hih bangin hihna tawh a lian a siangtho ka hihna thu, keimah in minam khempeuh tungah ka langsak ding a, tua ciangin Topa ka hihna thu amaute in hong thei ding uh hi,” hong ci hi.

Isaiah 66:18

Bang hang hiam cih leh amau’ nasepnate le amau’ ngaihsutnate ka thei a, minam khempeuh a khawm dingin ka hong pai hi. Amaute hong pai-in ka minthanna mu ding uh a,

Late 126:2

Lungdamin i nui a, lungdam lua-in la i sa hi. Tua ciangin minam dangte kiho-in, “Topa in amau a dingin na lianpite bawl khinta hi,” kici uh hi.

JOB (Job) 21:5

Kei hong en dih un. Lamdangsak taak hi lo ka hi hiam?

Paunak 30:32

Kiphasakin na hai pau ngei a, thusia bawl ding na ngaihsut ngei khak leh limtakin thu ngaihsun pha in.

Micah 3:7

Hih bang thugen kamsangte, a thugen kholhna uh Pasian in a tunsak loh manin maizumin mindai ding uh hi.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.