Micah 7:14 - Tedim Bible

¹⁴ Topa aw, nangma tuu ahi na mite hong cing in. Gamnuam leihoihna sungah amau guakin om uh hi. Tanglai huna mah bangin, Bashan le Gilead gam nuamah amaute gamtasak in.

Tedim Bible Revision 2017

¹⁴ Topa aw, nangma tuu ahi na mite hong cing in. Gam nuam lei hoihna sungah amau guakin om uh hi. Tanglai huna mah bangin, Bashan le Gilead gam nuamah amaute gamtasak in.

Micah 7:14 Referans Kwoze

Micah 5:4

Amah in Topa’ thahatna tawh a mite uk ding a, Topa ama Pasian’ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Isaiah 49:10

Amaute gilkial loin, dangtak lo ding uh a, huihsa le nisa in amaute sukha lo ding hi. Bang hang hiam cih leh amaute a hehpih pa in amaute lamkaih ding a, ciktui kiangah amaute paipih ding hi.

Amos 9:11

Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Isaiah 37:24

Nangmah in na nasempa zangin Topa na zahko a, Lebanon mual dong pek, mual sangte tungah ka leeng tampite tawh ka pai khin hi. Taamtak sing a sangpente, taksing hoihpente ka phuk khin hi. A sangpen mun, tulak a thukpenna munah ka pai khin hi.

Late 100:3

Topa, Pasian ahihna thei un. Eite hong bawlpa amah hi a, eite ama a’ ihi hi. Eite ama mi ihi a, ama gankhahna sunga om a tuute ihi hi.

Late 95:7

Bang hang hiam cih leh amah pen eite’ Pasian hi a, eite pen ama hong kep mite le ama khutsunga om a tuute ihi hi. Tuni-in hih bangin ama hong thugen za un:

Late 28:9

Na mite hon inla, na luahte thupha pia in. Amau a cing pa hi inla, a tawntungin amaute huh in.

Johan 17:16

Hih leitung tawh kei ka kipawl loh mah bangin amaute zong a kipawl lo uh ahi hi.

Malakhi 3:4

Tua ciangin Judah mite le Jerusalem mite’ piak biaknate pen nidang ate mah bangin Topa’ mai-ah a lungkimhuai hi ding hi.

Zefaniah 3:13

Israel mi a omlai sunte, midangte tungah gilo nawn lo ding uh a, zuauthu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Kah la 5:21

Topa aw, kote hong kaikhawm kik in! Hong kaikhawm kik in! A beisa sauveipi lai mah bangin hong thaksuaksakkik in.

Isaiah 65:10

Amaute in kei hong bia ding uh a, Sharon gam pen amau’ tuuhon gamtatna mun suaksak ding uh a, Akhor Kuam pen amau’ bawng honte’ lupna mun a suaksak ding uh hi.

Isaiah 35:2

tampi takin palhkhia ding a, lungnopna le lasakna tawh lungdam ding hi. Lebanon mual a minthanna, Karmel mual le Sharon mual a minliatna tua leitang in ngah ding hi. Mi khempeuh in Topa’ minthanna, i Pasian’ liatna mu ding uh hi.

Late 143:5

Hun luite ka phawk a, na sepsa khempeuh ka ngaihsunsun hi. Na khut in a sepsa nate ka lungngaingai hi.

Thu-hilhkikna 33:28

Tua ahih ciangin Israel mite lungmuangin om ding uh hi. Jakob suante bek an le leenggahzu gamah om hi. Hi taktak hi, a vantungte in daitui hong khiatsuk hi. Israel aw, mi nuamsa na hi hi. Nang hong kihuhna lum le na gualzawhna lum le na gualzawhna namsau ahi Topa in nang banga a hotkhiat mi kua om ahi hiam?

Gamlak-vakna 23:9

Bang hang hiam cih leh mual dawn panin amaute ka mu a, mual neute panin amaute ka en hi. En in, a tangten’ mite, minamte lakah a kihel lote!

Paikhiatna 33:16

Bang hang hiam cih leh keimah le nangma mite in nangma muhna-ah maipha ka ngahna uh bang ci-in kithei ding ahi hiam? Leitung a om mi khempeuh tungah keimah le nangma mite ka tungnunna uh pen kote tawh nang nong paikhopna hi lo ahi hiam?” a ci hi.

Kah la 1:7

Tu-in Jerusalem kisiazo ta a, nidanga a thupinate a nung phawkkik hi. Galte in a sim laitakin a huh ding khat beek a om kei hi. Guallel ahih manin a galte in a nuihsan uh hi.

Siampi Laibu 27:32

Bawnghon leh tuulekeel hon sawm-ah-khat khempeuh le a cing pa’ ciangkhut nuai-a a pai ganhing khempeuh sawm-ah-khat peuhmah Topa a dingin a siangtho hi ding hi.

Solomon la 4:1

Itluat aw, na ngaihbaang a, na lu khuhna puan vang panin a ngaihbaang na mit hong tee kelkel hi. Gilead mual tunga keelhon diang leklek bangin na samphekte phe velvel hi.

Jeremiah 49:31

Babylon kumpipa aw, tho in. Nuamtak, ngaihmuang takin a om gam va sim in. Tua khuapite in kongpi lah nei lo a, a kalhna sik tawn zong bangmah nei lo uh a, a tuaci ommawk uh ahi hi.

Ezekiel 36:11

A mihing a ganhingin kong pungsak ding a, a nidang sangin tam na phazaw ding uh hi. Ta tampi tak na nei ding uh hi. Nidangin na om ngei bangun kong omsakkik ding a, a nidang sangin a cithei zaw-in kong bawl ding hi. Tua ciangin Topa ka hihna thu na hong thei ding uh hi.

Gamlak-vakna 32:1

Reuben minamte le Gad minamte in ganhing hon tampi nei uh hi. Amaute in Jazer gam le Gilead gam a muh uh ciangin gan khawi nading munin hoihsa mahmah uh hi.

Gamlak-vakna 32:4

Topa in Israel mihonte a hong luahsak gamte pen a gan gam hi a, na nasem kote in gan ka nei uh hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite le Egypt gam sunga a kihawlkhia mite hong pai-in Jerusalem mual siangtho tungah Topa hong bia ding uh hi.

Obadiah 1:19

Negeb gammite in Esau’ gam luah ding uh a, Shefelah mite in Filistia gam luah ding uh hi. Amaute in Efraim gam le Samaria gam luah ding uh a, Benjamin in Gilead gam luah ding hi.

Zekhariah 10:10

Egypt le Assiria gam panin amaute ka ciahpih kik ding a, a gam a lei uhah ka tengsak ding hi. Gilead gam le Lebanon gamah zong ka tengsak ding a, gam khempeuhah mi a dim ding hi.

Zekhariah 11:7

Tuu summeet bawlte in kei hong cial uh a, a kigo ding tuute a cing pa ka suak hi. Kei zong ciangkhut nih la-in khat pen “Hehpihna” ci-in min ka phuak a, a khat pen “Kipawlna” ci-in min ka phuak hi. Tua hi a, tuute a cingin kei ka om hi.