Micah 6:4 - Tedim Bible

⁴ Bang hang hiam cih leh Egypt gam panin note kong paikhiatpih a, salsuahna panin ka hong honkhia hi. Note a hong makai dingin Moses, Aaron, le Miriam ka hong sawl hi.

Tedim Bible Revision 2017

⁴ Bang hang hiam cih leh Egypt gam panin note kong paikhiatpih a, salsuahna panin ka hong hon khia hi. Note a hong makai dingin Moses, Aaron le Miriam ka hong sawl hi.

Micah 6:4 Referans Kwoze

Thu-hilhkikna 7:8

Topa in salsuahna Egypt kumpipa Faro’ khutsung panin note hong honkhia-in a vangliatna tawh hong paikhiatpihna pen Topa in note hong itin, na pate uh tunga a kiciam thuciam a zuihna hang ahi hi.

Paikhiatna 12:51

Tua ni teekteekin Topa in Israel mite a honpi-un Egypt gam panin a paikhiatpih hi.

Amos 2:10

No ka mihingte, Egypt gam pek panin hong paikhiatpihin, gamlakah kum sawmli sung kong makaih a, note a dingin Amor mite’ gam kong pia hi.

Jeremiah 32:21

Na mi Israel-te Egypt gam panin lim le nalamdang tawh ahi a, a khauh mahmah a kizan na khut tawh ahi a, lauhuaina lianpi tawh ahi zongin na lakhia a,

2 SAMUEL NIHNA 7:23

“Ama mite’ mai-ah minam khat le a pasian-te hawlkhiatna tawh ama a dingin min bawlin, amaute a dingin a lian a lauhuai nate hih sakin, ama mi dingin a honkhia dingin Pasian a paina na mi Israel-te, leitung minam dang kua tawh kibang ahi hiam?

Gamlak-vakna 12:1

Moses in Kush numei khat tenpih ahih manin, ama tenpih Kush numei’ hangin Miriam le Aaron in amah gensia-in,

Paikhiatna 20:2

“Kei pen salsuahna Egypt gam panin note a hong paikhiatpih Topa na Pasian uh ka hi hi.

Sawltak 7:36

Amah in Egypt gam le San Tuipi-ah lim le na lamdangte bawlin, Egypt gam panin Israel mite paikhiatpih a, gamlakah kum sawmli sung amaute a makaih hi.

Late 77:20

Nangmah in Moses le Aaron’ khut tawh nangma mite tuuhon bangin na makaih hi.

Thu-hilhkikna 24:18

Egypt-ah sila na hihna uh le Topa note’ Pasian in tua lai panin hong hotkhiatna na phawk ding uh hi. Tua ahih manin hih banga na gamtat nading uh thu kong pia hi.

Thu-hilhkikna 15:15

Egypt gamah sila na hihna uh le Topa na Pasian un note hong suahtaksakna na phawk ding uh hi. Tua ahih manin hih thu tuni-in kong pia hi.

Thu-hilhkikna 9:26

Topa’ tungah thu ka ngen a, ‘Topa Pasian aw, nangmah in na liatna tawh na hotkhiatsa, na vangliatna tawh Egypt panin na paikhiatpih na mite le na luahte susia kei in.

Thu-hilhkikna 5:6

“‘Kei pen salsuahna Egypt leitang panin note a hong paikhiatpih Topa na Pasian uh ka hi hi.

Thu-hilhkikna 4:34

Tua ahih kei leh, Topa na Pasian un Egypt gam sungah note a dingin na muhna uhah a bawlte khempeuh tawh a kibangin, ze-etna, lim, nalamdang, gal, a vanglian le a thahatna le a lauhuai mahmah tawh pasian dang khat peuhpeuh in ama mite a dingin minamdang khat sung pan minam khat a va lak ding hanciam ngam ngei ahi hiam?

Paikhiatna 4:16

Amah in nang’ tangin mite tungah thu gen ding hi. Amah in nang a dingin thu hong gensak ding a, nang in Pasian bangin na gen ding teng amah na sawl ding hi.

Thu-hilhkikna 4:20

Ahih hangin Topa in tuni-a bangin sik meikhuk tawh a kibang Egypt panin ama neih mi dingin note hong la-in hong paikhiatpih khin hi.

Paikhiatna 3:10

Hong pai in, nang in Egypt panin ka mi Israel-te na paikhiatpih theih nadingin Faro’ kiangah nang kong sawl ding hi,” a ci hi.

Paikhiatna 4:10

Ahih hangin Moses in Topa kiangah, “Oh, ka Topa aw, tumasiah hitaleh na nasempa tungah thu na gen a kipan hitaleh, kei thugen a siam ka hi kei hi. Ka kam pau ol-in, ka pau awk hi,” a ci hi.

Gamlak-vakna 33:1

Hihte pen Moses le Aaron’ makaihna tawh Egypt gam panin a honin a paikhiat lai-un Israel mite’ giahphualte ahi hi.

1 SAMUEL MASA 12:6

Tua ciangin Samuel in mite kiangah, “Moses le Aaron teelin Egypt gam panin na pu na pate uh a paikhiatpih Topa, teci ahi hi.

Paikhiatna 6:27

Egypt gam panin Israel mite paikhiatpih nading thu Egypt kumpipa Faro’ tunga thu a gente pen hih Moses le Aaron ahi uh hi.