Micah 6:2 - Tedim Bible

² No mual liante le a kip tawntung leitung bulpite aw, Topa’ thu ngai un. Topa in ama mite tawh thu nei a, Israel tawh thu kisel ding hi.

Tedim Bible Revision 2017

² No mual liante le a kip tawntung leitung bulpite aw, Topaʼ thu ngai un. Topa in ama mite tawh thu nei a, Israel tawh thu kiseel ding hi.

Micah 6:2 Referans Kwoze

Hosea 12:2

Topa in Israel mite a mawhsakna ding a thu om hi. Jakob a gamtatna tawh kizui-in gim pia ding a, ama gamtatna bangin thukkik ding hi.

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Isaiah 1:18

Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Late 104:5

Leitung a ling ngei lo dingin ama bulpi tungah na phut hi.

2 SAMUEL NIHNA 22:16

Tua ciangin Topa’ mawhsakna awging lianpi hangin tuipi tawte kidawk a, lei bulpite a guakin om hi.

Thu-hilhkikna 32:22

Bang hang hiam cih leh ka hehna in mei tawhkuang a, Leinuaite’ gamdong a kuang hi. Leitung le a tunga piangte kangtum a, mualte’ bulpite kuangsak hi.

Jeremiah 31:37

Topa in hong genin-ah, “Vantung a kiteh theih ciang le leinuai-a leitung bulpite a kivel theih ciang bekin Israel-te’ suanlekhakte khempeuh a mawhna uh hangin ka lawnkhiamang pan ding hi, Topa in kong ci hi,” a ci hi.

Jeremiah 25:31

A awging, leimong dongah kithawn ding hi; bang hang hiam cih leh gamte’ langkhatah Topa pang hi. Amah in mi khempeuh thu sit ding a, namsau tawh migilote a thatlum ding hi, Topa in ci hi,’ na ci ding hi.

Jeremiah 2:9

“Tua ahih manin Topa in kong cihin-ah, note kong mawhsaklai ding a, na tate uh’ tate zong ka mawhsak ding hi.

Isaiah 43:26

“Thuman na hihna hong laktel inla, thu kikum khawm ni. Na dikna a kilat nadingin na thu hong sungkhia in.

Isaiah 5:3

Tu-in, Jerusalem khua-ah a tengte le Judah mite aw, kei le ka leenggui lo kikalah thu nong khenna ding uh ka hong thum hi.

Paunak 8:29

tuipi tuite in ama cihna ban a khengin a luan loh nading thu a piak laitak ka om a, leitung bulpi a phuh laitak kei ka om hi.

2 SAMUEL NIHNA 22:8

“Tua ciangin ama hehna hangin leitung kisingin, nakpitakin kilokgawp a, vantung bulpite kilinggawp hi.

Thu-hilhkikna 4:26

Jordan galkhat luah dingin na paina leitang uhah na siat maimang baih nadingun note’ langkhatah teci pang dingin tuni-in van le lei ka sam hi. Tua leitang tungah note sauvei na hing kei ding uh a, na siamaimang ding uh hi.

Isaiah 3:13

Topa in thupang dingin ama panmun hong la a, ama mite’ thu a khen dingin a ding hi.

Micah 6:1

Topa le Israel a kitotna ngai un. Topa aw, kipan inla, mual liante le mual neute mai-ah na thu sung in.

Hosea 12:3

Jakob in a nu sung nangawn pek panin a sanggampa sawk pah a, a khangham ciangin zong Pasian tawh kilai hi.