Micah 6:15 - Tedim Bible

¹⁵ Khai na tuh uh hangin an na la kei ding uh hi. Oliv gah na cil uh hangin a thau na zangkha kei ding uh a, leenggah na cil uh hangin a zu na dawnkha kei ding uh hi.

Tedim Bible Revision 2017

¹⁵ Khai na tuh uh hangin an na la kei ding uh hi. Oliv gah na cil uh hangin a thau na zang kha kei ding uh a, leenggah na cil uh hangin a zu na dawn kha kei ding uh hi.

Micah 6:15 Referans Kwoze

Zefaniah 1:13

Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Amos 5:11

Note in mizawngte tuancilin, a an neihteng khempeuh uh laksak na hih manun, suangseek inn na lam hangun tua suang inn sungah na tengkha kei ding uh a, leenggui lo hoih na neih hangun a leenggahzu na dawnkha kei ding uh hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topa’ hehna hangin anlak hun ciangin a maizum ding uh hi,” a ci hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lumkhop ding na nei kei uh hi. Sum thalawhte in zong a khamkhop ding uh thalawh zo lo uh hi.

Siampi Laibu 26:20

Na leitang un an piangsak loin, na gam sung uha kungte in amau’ gah gah lo ding ahih manin note’ thatang a mawkna-in a bei hi ding hi.

Johan 4:37

Tua ahih manin, ‘Khat in khai tuhin, adang khat in a an la,’ ci-in paunak a om pen thuman mahmah hi.

JOB (Job) 31:8

ka khawhsa ante midangte’ nek suak hen la, ka an neih khempeuh maimang tahen.

Habakkuk 3:17

Theigahte a hut khin a, leengguite a gah kei zongin, oliv kungte gah lo a, lo-ah an a piang kei zongin, tuu khempeuh a si khin a, ganbuk khempeuh a hawm khin zongin,

Siampi Laibu 26:16

keimah in note tungah hih bangin kong hih ding hi: Note’ tungah hong tung dingin keimah in thakhatthu a dipkuatna, zawngkhalna, le mite siasakin nuntakna a kiamsak ding cisa natna kong tungsak ding hi. Note’ lopawi zong a mawkna hi ding hi; bang hang hiam cih leh na galte un tuate ne ding hi.

Thukhente 6:4

Amaute a sim nadingun giahphual satin Gaza kiim ciangciang dong lei pana piangte susia uh a, Israel mite a nuntak nading bangmah nusia loin, tuu ahi a, bawngtal ahi a, la ahi zongin siit nei lo uh hi.