Micah 6:14 - Tedim Bible

¹⁴ An na nek hangun na kham kei ding uh a, na gil uh kiallai veve ding hi. Na na koihcing uh hangin phatuam lo ding hi. Galte in tua na koihcing uh nate susia veve ding hi.

Tedim Bible Revision 2017

¹⁴ An na nek hangun na kham kei ding uh a, na gil uh kial lai veve ding hi. Na na koihcing uh hangin phatuam lo ding hi. Galte in tua na koihcing uh nate susia veve ding hi.

Micah 6:14 Referans Kwoze

Hosea 4:10

Amaute, pasian dangte a bia dingin kei kiang panin kiheikhia uh ahih manin biakpiakna a sa tanhte uh a nek hangun a gil uh vah tuan lo ding hi. Mi punna ding deihna-in biakpiakna-in numei tawh mawhna a bawl uh hangin mi pung tuan lo ding hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lumkhop ding na nei kei uh hi. Sum thalawhte in zong a khamkhop ding uh thalawh zo lo uh hi.

Isaiah 65:13

Tua ahih manin Topa Pasian in hih bangin ci hi: En un, ka nasemte in ne ding uh a, ahih hangin note na gilkial ding uh hi. Ka nasemte in dawn ding uh a, ahih hangin note na dangtak ding uh hi. Ka nasemte lungdam ding uh a, ahih hangin note na maizum ding uh hi.

Siampi Laibu 26:26

Keimah in note’ nuntakna an ka suksiat ciangin, an kicing lo ahih manin nupi sawm in meibung khat sungah na anlum uh emkhawm ding a, na anlum uh a tawitehin hong piakhia kik ding hi. Note in na ne ding uh a, na khamzo kei ding uh hi.

Haggai 2:16

An seu sawmnih pha ding ci-in ansal-ah na pai uh ciangin seu sawm bek na pha a, leenggahzu thawlpi sawmnga pha ding ci-in leenggahzu kholna beelpi-ah na pai uh ciangin thawlpi sawmnih dim bek a na pha hi.

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

Jeremiah 48:44

Lauhuaina pan a taisim mite dum sungah a kia ding hi. Dum sung panin a hong kahkhiato mite, thangah a awk veve ding hi. Bang hang hiam cih leh Moab gim ka piak ni-in hih thute ka tungsak ding hi, Topa in kong ci hi.

Isaiah 30:6

Negeb gam a om ganhingte tawh kisai thu hih bangin gen hi: Amaute in humpinelkai nu le humpinelkai pa, gul gunei le a leeng thei gulpi a omna, lungkhamna le gimna gam nawkin, amau’ hauhnate la nungzangah amau’ sumte kalaoh tungah suanin, amaute tungah phattuamna bangmah a pia thei lo mite tungah a puak uh hi.

Isaiah 9:20

Amaute in a taklama omte ne uh a, ahih hangin a gil uh kiallai veve hi. A veilama omte ne uh a, ahih hangin kham nai lo uh hi. Mite in amau’ vengte’ sa ne ciat uh hi.