Micah 6:1 - Tedim Bible

¹ Topa le Israel a kitotna ngai un. Topa aw, kipan inla, mual liante le mual neute mai-ah na thu sung in.

Tedim Bible Revision 2017

¹ Topa le Israel a kitotna ngai un. Topa aw, kipan inla, mual liante le mual neute mai ah na thu sung in.

Micah 6:1 Referans Kwoze

Jeremiah 22:29

Aw ka gam, ka gam aw, Topa’ kammal ngai dih ve’n!

Thu-hilhkikna 32:1

“Vantungte aw, ngai un, thu kong gen ding hi. Ka thugente leitung in za hen.

Micah 1:2

No minam khempeuhte aw, hih thu za un: Leitungah a teng mi khempeuhte aw, hih thu ngai un: Note’ langkhatah Topa Pasian in teci pang a, a vantung biakinn panin thu hong gen hi.

Ezekiel 36:1

Topa in kei kiangah, “Mihing ahi Ezekiel aw, Israel mualte tungah thu gen inla, Topa Pasian ahi keimah in amaute tungah gen ding ka neih thute hih bangin gen in:

Late 50:4

A mite tungah thu a khen theih nadingin tunglam vantung le leitung a sam hi.

Thu-hilhkikna 4:26

Jordan galkhat luah dingin na paina leitang uhah na siat maimang baih nadingun note’ langkhatah teci pang dingin tuni-in van le lei ka sam hi. Tua leitang tungah note sauvei na hing kei ding uh a, na siamaimang ding uh hi.

Ezekiel 36:8

Ahi zongin Israel mualtung gamte-ah no ka mi Israel-te a dingin singkungte in teh le gah hong neikik ding uh a, a sawt loin note, inn-ah a hong ciahkik ding na hi uh hi.

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattahsa ka tate in kei hong lehdo uh hi.

Luka 19:40

Jesuh in, “Ke’n kong cihin-ah, hih mite in hong phat loin khawl ta le-uh zong, hih lamdung a suangte in phatin awng veve ding uh hi,” ci-in a dawng hi.

Late 50:1

Vanglian, Topa Pasian hong paukhia a, nisuahna le nitumna kikal leitung mi khempeuh a khawm hi.

Micah 1:4

Meikhuk sungah khuainun a kikoih bangin ama khenuai-ah mualliante tuisuak ding a, mualtung panin tui a luangsuk bangin, guam sungah tua mualte luangsuk ding hi.

Ezekiel 37:4

Tua ciangin amah in, “Hih guhte tungah thu hilh inla, hih guhkeute in Topa’ thu a ngaih nadingun gen in.

Jeremiah 13:15

Ngai-in na bil uh ngat un; kisathei kei un. Bang hang hiam cih leh Topa in thu a genzo hi.

Amos 3:1

Israel mite aw, note’ langkhat a Topa’ thugen, hih thu limtakin ngai un: Egypt gam panin na minam bupun note kong paikhiatpih hi.

1 SAMUEL MASA 15:16

Tua ciangin Samuel in Saul kiangah, “Khawl in! Topa in tuzanin kei kiangah hong gen thu nang kiangah kong gen ding hi,” a ci hi. Tua ciangin amah in Samuel kiangah, “Hong gen in,” a ci hi.

1 SAMUEL MASA 12:7

Tua ahih ciangin tuni-in note le na pu na pate uh a dingin Topa in hotkhiatna a sepna thu khempeuh Topa’ mai note’ tungah hong genin kong mawhsak theih nadingin ding lai dih un.

Micah 5:15

Keima thu a hong mang lo minamte tungah hehna tawh phu ka la ding hi.

Micah 6:2

No mual liante le a kip tawntung leitung bulpite aw, Topa’ thu ngai un. Topa in ama mite tawh thu nei a, Israel tawh thu kisel ding hi.

Isaiah 3:13

Topa in thupang dingin ama panmun hong la a, ama mite’ thu a khen dingin a ding hi.

Ezekiel 6:3

Topa Pasian ahi keimah in mual liante, mual neute, guam thukte, kuampite kiangah ka gen ding thute, Israel minamte in a ngaihna ding uh gen in. Mite in milim a biakna munte a vatgawp dingin namsau khat kong kuansak ding hi.