Micah 5:2 - Tedim Bible

² Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Tedim Bible Revision 2017

² Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Micah 5:2 Referans Kwoze

Johan 7:42

Khrih i cih pen David’ suan hi ding a, David’ suahna Bethlehem khua-ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Late 90:2

Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Isaiah 11:1

Jessi’ phung sung panin a sel khat hong khangkhia ding a, a zungte panin a no khat hong khang ding hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Kolose 1:17

Na khempeuh khat beek a om ma-in amah om khinta a, amah tawh a kipawl manin na khempeuh ama mun sansanah hoihtakin a omthei hi.

Mangmuhna 19:16

A puan tung le a phei tungah, “Kumpite’ Kumpi, topate’ Topa,” ci-in a min kigelh hi.

1 SAMUEL MASA 17:12

David pen Judah gam Bethlehem khua-a om Efrathah mi, tapa giat a nei Jessi min a nei pa’ tapa ahi hi. Saul’ hun lai-in tua mipa teek zo-in kum tampi pha ta hi.

Piancilna 48:7

Bang hang hiam cih leh Paddan panin ka pai lai-in, Efrath tun ma diak, Kanaan gam lamkalah ka dah nadingin ka zi Rachel hong si hi. Efrath (Bethlehem) paina lampi-ah amah ka vui hi,” a ci hi.

1 JOHAN MASA 1:1

Leitung piancil lai pek a kipanin a omsa ahi nuntakna a piathei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka ettel uh hi a, ka khut mahmah uh tawh ka lawn’ uh ahi hi.

Hebru 13:8

Jesuh Khrih pen zani, tuni, a tawntungin kibang ngitnget hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Ruth 4:11

Tua ciangin kulhkongpi-a om mite khempeuh le upate in, “Kote, teci ka hi uh hi. Topa in Israel-te’ pianna Rachel le Leah bangin na innkuan sunga hong pai numei bawl tahen. Efrathah-ah na dau pai hen la, Bethlehem-ah na min thang tahen.

Piancilna 35:19

Tua ahih ciangin Rachel si-in, Efrath (Bethlehem) paina lampi-ah kivui a,

Hebru 7:14

I Topa pen Judah suan sung panin a piang ahih manin Moses in siampi thu a na gen ciangin hih Judah minam genin na nei lo hi.

Amos 9:11

Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Jeremiah 30:21

A kumpi ding uh amaute khat mah hi ding a, amaute a uk ding amau’ sung mah panin a piang ding hi. Keimah in amah ka kai ding a, kei kiangah amah hong pai ding hi. Tua hikeileh ama thu-in kei a hong zuan ngam ding kua om ahi hiam, Topa in kong ci hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai-ah khangto lel hi. Eite’ et dingin amah in lim le deihhuaina mel bangmah nei lo a, eite’ deih dingin hoihna nei lo hi.

1 SAMUEL MASA 10:19

Ahih hangin note in na tuahsiatnate uh le na lungkhamnate uh panin note a hong honkhia na Pasian uh tuni-in na nial uh a, note in, ‘Kote’ tungah kumpi khat koih in,’ na ci uh hi. Tua ahih ciangin tu-in na minam nam uh le a tul tulin Topa’ mai-ah kilak un,” a ci hi.

Luka 23:38

“Jew Mite’ Kumpipa hi,” ci-in a kigelh lai zong ama tung sanah kisuang hi.

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

1 KHANG TANGTHU MASATE 5:2

A sanggamte lakah Judah a thahat suakin ama sung panin ulian khat a om hangin innluahza pen Josef a’ ahi hi.)

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi le sumgolh a mudah mi, mi siamte na teelkhia ding hi. Tua bang mite pen a tul, a za, a sawmnga, a sawmte tungah a uk dingin na koih ding hi.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik pa’ thugen in:

Late 132:6

Jaar gam sungah Thuciamna Singkuang ka mu uh hi, cihna thuthak Bethlehem-ah kiza hi.

1 KHANG TANGTHU MASATE 2:54

Bethlehem khuapi a sat Salma’ suante: Netofah mite, Atrothbethjoab mite, le Zorah mi ahi Manahath minam nih sung pan alang ahi hi.

1 SAMUEL MASA 23:23

Tua ahih ciangin amah a bukna, a kiselsimna mun khempeuh hong ciamteh unla, thu a kiteltak tawh kei kiangah hong paikik un. Tua ciangin note tawh kei kong kuan ding hi. Gam sungah amah a omlai nakleh , Judah gam sung khempeuh zon ding ahi zongin a tul lak panin amah ka zongkhia teitei ding hi,” a ci hi.

1 SAMUEL MASA 17:18

a tul a ukpa kiangah zong hih sathaukhal sawmte puak in. Na ute’ omdan va mu inla, amau’ omzia a kitheihna lim pawlkhat hong ciahpih in,” a ci hi.

Thu-hilhkikna 1:15

Tua ahih ciangin na minam lutang uh ahi, a pil thu phawksa mite ka la a, note’ tungah lutangin a tul uk, a za uk, a sawmnga uk, a sawm ukte, le uliante na minam khempeuh sung uhah ka koih hi.

1 SAMUEL MASA 8:12

Tua ciangin amah in ama a dingin a tul-a uk le a sawmnga a ukte, le pawlkhatte a lo kho-in a an a la ding, le a galsung nazatte le a leeng nate a bawl dingin seh ding hi.

Paikhiatna 18:25

Israel mi khempeuh sung panin Moses in mipil mi siamte teel a, mite a tul, a za, a sawmnga, a sawmte tungah a ukin mite’ lutangin amaute a bawl hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Piancilna 35:16

Tua ciangin Bethel panin amaute ding khia uh a, Efrath panin a gamla sim lai mun a tun laitakun Rachel a nausuah hun tung a, amah nakpi takin a gim hi.

Thukhente 17:7

Tua hun laitakin Judah gam Bethlehem khua sungah Levi mi tangval khat om hi.

Ruth 1:1

Thukhente in a uk hun lai-in tua gam sungah kialpi tung a, Judah gam sunga Bethlehem khuami khat, a zi le a tapa nihte tawh Moab gamah a peem dingin a pai uh hi.

Isaiah 55:4

David pen mite tungah teci ding, mite a makai ding le a ukpa dingin ka koih hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Micah 4:10

Jerusalem khuamite aw, numei nausuak ding bangin na tha uh san un. Tu-in kumpi khuapi nusia-in, gam sung khua-ah a teng ding na hita uh a, Babylon khuapi a zuan ta ding na hi uh hi. Ahi zongin tua lai panin note hong kihonkhia-in, na galte uh khutsung panin Topa in hong khahkhia ding hi.