Micah 5:13 - Tedim Bible

¹³ Note’ biak milimte le na biakna songte uh ka susia gawp ding a, note’ bawlsa nate na bia nawn kei ding uh hi.

Tedim Bible Revision 2017

¹³ Noteʼ biak milimte le na biakna songte uh ka susia gawp dinga, noteʼ bawl sa nate na bia nawn kei ding uh hi.

Micah 5:13 Referans Kwoze

Ezekiel 6:9

salin a om ding uh hi. Tua bangin salin a omna uh mun panin, amau’ lungsim cihtak lohna uh hangin kei hong nusiatna uh le keimah sangin milim a deihzawkna uh hangin a maizum nadingun gim a pia ding ka hih lamtak thei-in kei hong phawk ding uh hi. Amau’ gitlohna le a haitatnasate uh hangin amau mahmah kimudahtawm ding uh hi.

Ezekiel 36:25

Note tungah tui siangtho kong theh ding a, na milim biakna uh le note hong ninsak na dang khempeuh panin kong siangsak ding hi.

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn uh phawkkha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Hosea 14:8

Israel mite in milim biakha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding hi; amaute’ thupha ngah khempeuh keima kiang pan ahi hi,” a ci hi.

Hosea 14:3

Assiria mite in hong honkhiazo ngei lo ding a, sakol galkapte in zong hong huzo ngei lo ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Ezekiel 37:23

Amaute pen a muhdahhuai milimte tawh kininsak nawn lo ding uh a, mawhnate tawh zong kininsak nawn lo ding uh hi. Amaute’ mawhna le kei hong lehheknate panin ka suaktasak ding hi. Amaute a siangtho mi-in ka bawl ding a, amaute keima mi hi-in, kei, amaute’ Pasian ka hi ding hi.

Isaiah 2:8

Amau’ gam sung milimte tawh kidim a, amau’ khut tawh a bawlsate uh amaute in a bia uh hi.

Mangmuhna 9:20

Hih gimna tawh a si lo midangte pen amau’ gamtatnasa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang, le sing a kibawl milim a biakte uh khawl tuan lo uh hi.

Thukhente 18:17

Tua ciangin, galhiam a tawi mi za gukte tawh kulhkongpi lutna-ah siampipa a din khawm laitakin gam ensim dingin a kuankhia mi ngate tumin a kiseek milim, a siampipuan, a innsung pasian-te, le a kisung milim la uh hi.

Isaiah 2:18

Milimte khempeuh mangthang khin ding hi.

Hosea 10:2

A lungsim uh man lo ahih manin tu-in a mawhna uh thuak ding uh hi. Topa Pasian in amau’ biakna taute suzanin, a biakna songte uh suksiatsak ding hi.

Nahum 1:14

Topa in Assiria mite tawh kisai-in hih bangin thu pia hi: “Note na cimang ding uh a, na pasian-te uh biakinn sunga om milimte ka susia ding hi. Note siahuai lua na hih manun na hankhuk ding uh a bawlbawl ka hi ta hi,” a ci hi.

Zefaniah 1:4

“Judah gammi khempeuh susia mangin, Jerusalem khuami khempeuh ka sumai ding hi. Baal milim biakna a them banglai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a dinglai om nawn lo hi. Hih thu hangin Jakob’ mawhna kimaisakin a mawhna kilakkhiatsak hi.

Ezekiel 16:41

Amaute in na innte hong haltum sakin, na gimthuakna, numei honpi ensak ding uh hi. Numei paktat na hihna kong khawlsak ding a, na mawhpih ding pasalte sum tawh na guaihna kong khawlsak ding hi.