Micah 5:10 - Tedim Bible

¹⁰ Topa in hih bangin ci hi: Tua hun ciangin na sakolte uh hong paihkhiat sakin, na leengte uh ka susia ding hi.

Tedim Bible Revision 2017

¹⁰ Topa in hih bangin ci hi: Tua hun ciangin na sakolte uh hong paih khiatsakin, na leengte uh ka susia ding hi.

Micah 5:10 Referans Kwoze

Zekhariah 9:10

Galkidona leengte Israel gam pan beisakin, sakol galkapte, Judah gam pan ka lakhia ding a, galdona a kizang thalte kisusia ding hi. Na kumpipa un minam dangte lakah kilemna thu gen ding a, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.

Hosea 14:3

Assiria mite in hong honkhiazo ngei lo ding a, sakol galkapte in zong hong huzo ngei lo ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Hosea 1:7

Ahi zongin Judah mite ka hehpih ding a, namsau le thal, sakol le sakol tung tuangte, le galsimna tawh hi loin, amaute’ Topa Pasian ahi kei mahmah in amaute ka honkhia ding hi,” a ci hi.

Jeremiah 3:23

Mualtungte le mualsangte’ tungah gamlum lialuanate zuaupi taktak hi a, Israel mite hotkhiatna ding Topa eite’ Pasian’ kiang bekah om takpi hi.

Isaiah 2:7

Amau’ gamah ngun le kham kidim a, amau’ sumte in bei hun cih nei lo hi. Amau’ gam pen sakolte tawh kidim a, amau’ leengte in bei hun cih nei lo hi.

Thu-hilhkikna 17:16

Amah in ama aituam dingin sakol tampi nei lo ding hi. Topa in no kiangah, ‘Hih lampi tawnin na kilehkik ngei kei ding uh hi,’ hong ci ahih manin, amah in sakolte a lei dingin Egypt gamah mite paisak lo ding hi.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.