Micah 4:2 - Tedim Bible

² Minam tampite hong pai-in, “Israel mite’ Pasian’ biakinn, Topa’ mualah va paito ni. Tua lai-ah ama deihna hong hilh ding a, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong gingkhia a, Jerusalem panin Topa’ thu hong paikhia hi.

Tedim Bible Revision 2017

² Minam tampite hong pai-in, “Israel miteʼ Pasianʼ biakinn, Topaʼ mualah va pai to ni. Tua lai ah ama deihna hong hilh dinga, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topaʼ thu hong paikhia hi.

Micah 4:2 Referans Kwoze

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakob’ Pasian’ inn, Topa’ mualah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Jeremiah 31:6

Bang hang hiam cih leh Efraim mualtung panin galvilte in, ‘Tho un! Topa i Pasian kiang Zion khua-ah va pai ni,’ ci-in a hong kiko hun uh hong tung ding hi,” hong ci hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Isaiah 54:13

“Topa in na tapate khempeuh hoihtakin hilh ding a, na tapate daupai mahmah ding uh hi.

Late 25:12

Topa a zahtak mi kua ahi hiam? Ama lampi zuih ding Pasian’ hilhna a ngah mi ahi hi.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Marka 16:20

Nungzuite zong mun khempeuhah pai-in thu a hilh uh hi. Topa in zong amaute’ nasep seppih a, a thuhilhnate uh man hi, ci-in a lahna-in amaute tungah vangliatna limte a pia hi.)

Zekhariah 14:16

Tua bangin galte a kizawhgawp khit ciangin, galte sung panin a nungtalai mite in Vanglian Topa, kumpi ahihna hangin a bia ding le ama gualzawhna pawi a bawl dingin kumsimin Jerusalem-ah pai tawntung ding uh hi.

Sawltak 13:42

Kikhopna inn panin Paul le Barnabas a ciah ding uh ciangin, Sabbath ni kik ciangin hih thute mah hong gen lai un, ci-in mite in a vaikhak uh hi.

Johan 6:45

Kamsangte in a lai gelhna uhah, ‘Pasian in mi khempeuh a hilh ding hi,’ na ci uh hi. Tua ahih manin Pa kiang panin thu za-in a thei mi khempeuh ka kiangah a hong pai ahi hi.

Thu-hilhkikna 6:1

“Tu-in, luah dinga na paina gam uhah na zuih dingun, note le na tapate uh le na suanlekhakte un Topa note’ Pasian’ thukhamte le a thupiakte na zuihna uh tawh amah na zahtak theih nadingun, Topa na Pasian un na nuntak tawntung uh na zuih dingun kei a hong hilh sawnsak thute pen hih thupiakna, thukhamte, le ngeina kipte ahi hi. Hihte pen na khan uh a sau theih nading ahi hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih ding a, tua ciangin note kiangah kei a hong sawl ahihna thu na thei ding uh hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Late 110:2

Topa in Zion panin na kumpi ciangkhut hong puak hi. Na galte’ tungah uk in.

Late 119:1

Amau’ gamtatna-ah paubaan om loin Topa’ ngeina sungah a gamtate thupha ngah ahi hi.

Late 119:171

Na ngeina kipte kei hong hilh na hih manin kong phat tawntung ding hi.

Late 122:1

Amaute in kei tungah, “Topa’ inn-ah pai ni,” hong cih uh ciangin kei ka kipak hi.

Isaiah 56:7

ka mual siangtho-ah paipihin keima thungetna inn sungah ka lungdamsak ding a, amaute’ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh a dingin thungetna inn kici ding hi.

Jeremiah 42:3

Topa na Pasian in ka lam pai nading uh ahi a, ka na sepna ding uh ahi zongin a hong lah nadingin thu hong ngetsak in,” hong ci uh hi.

Zekhariah 9:10

Galkidona leengte Israel gam pan beisakin, sakol galkapte, Judah gam pan ka lakhia ding a, galdona a kizang thalte kisusia ding hi. Na kumpipa un minam dangte lakah kilemna thu gen ding a, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.