Micah 4:11 - Tedim Bible

¹¹ Note a hong sim dingin minam tampi hong kikhawm uh hi. Amaute in, “Jerusalem kisusia ding a, i mit in hih khuapi a siasa-in mu ding hi,” a ci uh hi.

Tedim Bible Revision 2017

¹¹ Note a hong sim dingin minam tampi hong kikhawm uh hi. Amaute in, “Jerusalem kisusia dinga, i mit in hih khuapi a siasa-in mu ding hi,” a ci uh hi.

Micah 4:11 Referans Kwoze

Obadiah 1:12

Na sanggamte uh a tuahsiat ni-in mu nuam dah hoh un. Judah mite a kisiat ni-in lungdamin nuam kei un. A kisiat ni-in lungdam kei un. A cihmawh ni-in nuihsan kei un.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi-ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisikgawp mu-in, kei ka nuam ding hi.

Jeremiah 52:4

Tua ciangin amah kumpi a suahzawh a kum kua kum, a kha sawmna, a ni sawm ni-in, Babylon kumpipa Nebukhadnezzar in a galkap khempeuh tawh Jerusalem khua a sim dingin hong kuan uh a, khuapi kimkotah galdalna a phut uh hi.

Late 129:5

Zion a mudahte khempeuh maizumin kinungkiksak tahen.

Isaiah 10:7

Ahih hangin a kumpipa in tua bang bek sawm lo a, a lungsim in zong tua bang bek ngaihsun lo hi. Ama lungsim sungah minam tampi suksiat nopna thu om hi.

Isaiah 17:12

Ah, mi tampite’ kikona, tuipi ging bang! Ah, minamte’ otna, tui lianpi ging bang!

Isaiah 29:7

Tua ciangin Pasian biakna tau a do minam honpite khempeuh, tua khuapi le a kulhpi simin a lungkhamsakte khempeuh, zan a mangmat tawh kibangin maimang ding uh hi.

Ezekiel 26:3

Tua ahih ciangin Topa Pasian ahi keimah in ka genin-ah: Taia khuapi aw, kei pen nangma lang ka hi hi. Nangmah a sim dingin minam tampi kong paipih ding a, tuipi hualte bangin hong kuan henhan ding uh hi.

Late 83:5

Amaute in siatna ding geelin kithukhat uh a, nangmah hong langpangin thuciamna a bawl uh hi.

Ezekiel 38:17

Ni khat ni ciangin Israel mite a sim dingin mi khat ka sawl ding hi, ci-in keima nasem Israel kamsangte tungtawnin, sawtpek lai-in ka gengen niloh mipa pen nang na hi hi. Hih thu Topa Pasian in gen khinzo hi.

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl ding a, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.