Micah 4:10 - Tedim Bible

¹⁰ Jerusalem khuamite aw, numei nausuak ding bangin na tha uh san un. Tu-in kumpi khuapi nusia-in, gam sung khua-ah a teng ding na hita uh a, Babylon khuapi a zuan ta ding na hi uh hi. Ahi zongin tua lai panin note hong kihonkhia-in, na galte uh khutsung panin Topa in hong khahkhia ding hi.

Tedim Bible Revision 2017

¹⁰ Jerusalem khua mite aw, numei nausuak ding bangin na tha uh san un. Tu-in kumpi khuapi nusia-in, gam sung khua ah a teeng ding na hi ta uh a, Babylon khuapi a zuan ta ding na hi uh hi. Ahi zongin tua lai panin note hong kihon khia-in, na galte uh khut sung panin Topa in hong khah khia ding hi.

Micah 4:10 Referans Kwoze

Isaiah 48:20

Babylon panin paikhia-in Khaldea gam panin tai inla, lungdamna tawh hih thu genin taangko inla, leimong dongin puak in. “Topa in ama nasem Jakob honkhia khinzo!” ci-in gen kawikawi in.

Hosea 13:13

Israel mite, naungek bangin a suahkhiat hun tung napi-in, a hailuat manun suakkhia loin a nu uh sung mahah omom lai uh hi.

Hosea 2:14

Tua ahih ciangin sehnel gamah amah ka paipihkik ding a, itna kam tawh hopihin ka zolkik ding hi.

Isaiah 45:13

Thu a manin a sem dingin amah khua ka phawksak a, keimah in ama lampi khempeuh ka mamsak ding hi. Amah in nasep thaman ahi a, letsong ahi zongin ngaihsun loin keima khuapi lam ding a, salin a om ka mite a khahkhia ding hi,” Vanglian Topa in ci hi.

Isaiah 43:14

Israel-te’ Siangtho Pa, note a hong hon Topa in hih bangin ci hi: “Note’ hangin Babylon-ah galkapte puakin, khua kongpi sikzawl khempeuh ka kuaitan ding a, Khaldea mite’ kikona pen tauna awging ka suaksak ding hi.

2 KUMPI NIHNATE 20:18

Nangma sung pan a suak na tapate pawlkhat kilakhia ding a, amaute pen Babylon kumpipa inn sungah innsung maangte hi ding uh hi,” a ci hi.

Mangmuhna 12:14

Ahi zongin tua gulpi in a sukkhak theih loh nadingin kum thum le alang sung gamlakah a kikep nading munah a leentheih nadingin muvanlai gol mahmahte’ kha tawh a kibang kha nih tua numei a kiguan’ hi.

Hosea 1:10

Ahi zongin, tehzawh loh, simzawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Jeremiah 15:21

Migilote’ khutsung panin nang kong suaktasak ding a, mi lauhuaite’ khutsung panin nang kong honkhia ding hi,” a hong ci hi.

Late 106:10

Tua ahih ciangin amah in galte’ khutsung panin amaute honkhia a, langpangte’ vangliatna panin amaute a khahkhia hi.

2 KHANG TANGTHU NIHNATE 36:20

Amah in namsau panin a suakta mite Babylon-ah salin la a, Persia kumpi in a uk hun mateng amah le a suanlekhakte’ nasem a suak uh hi.

2 KHANG TANGTHU NIHNATE 33:11

Tua ahih ciangin Topa in Assiria kumpipa’ galkap ukte amau’ kiangah paipih a, amaute in sikkawite tawh Manasseh manin sumngo khau tawh khihin Babylon-ah a paipih uh hi.

2 KUMPI NIHNATE 25:4

Tua ciangin khuapikulh sulet uh hi. Khaldea mite khuapi kiimah a ompi mahin, kumpipa’ huan kiang lam kulhpi nih kikal kulhkongpi lampi zui-in kumpipa le a galhang mi khempeuh zanin a tai uh hi. Arabah lam manawhin amaute pai uh hi.

Jeremiah 29:20

Jerusalem khua panin Babylon khua-ah kong puakkhiat, no saltangte khempeuh aw, Topa’ kammal ngai dih un:

Jeremiah 48:41

A khuapite kila-in a kulhpite zong kila ding hi. Tua ni ciangin Moab galkapte nupi nausuak ding bangin a lau ding uh hi.

Jeremiah 52:27

Babylon kumpipa in zong Hamath gam Riblah khua-ah amaute satin a thatlum hi. Tu-a bangin Judah mite a gam panun sal dingin a kilakhia hi.

Micah 5:3

Tua ahih ciangin, numei naupaii nu, a nau a suah khit mateng, amau’ galte’ khut sungah Topa in a mite a pia phot hi. Ama hong khan ciangin sala a om a gammite a mipihte uh tawh hong kigawmkik ding hi.

2 KHANG TANGTHU NIHNATE 36:23

“Persia kumpipa Sairas in hih bangin ci hi: ‘Vantung Pasian, Topa in leitung kumpi gam khempeuh kei hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi. Note lakah ama mi ahi khempeuh, Topa a Pasian uh in ompih tahen. Biakinn lam dingin Jerusalem-ah amaute paito sak un,’ ci hi,” a ci hi.

Jeremiah 4:31

Nau a suak ding numei a kiko bang khat ka za a, tacil a suak numei’ tauna tawh kibang hi. Zion’ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Jeremiah 13:4

“Na kawngah na teen, na dialkaih lei la in. Tho inla Eufratis gun-ah pai in. Tua lai-ah suanghawm sungah va seel in,” hong ci leuleu hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.