Micah 3:8 - Tedim Bible

⁸ Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Tedim Bible Revision 2017

⁸ Ahi zongin kei ka hih leh, Israel mite tungah a mawhna uh a gen khia dingin Topaʼ kha le a vang tawh ka kidim a, thutang gen ngam nading lungsim ka nei hi.

Micah 3:8 Referans Kwoze

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

1 KORIN MASA 2:4

thu ka hong hilh ciangin zong leitung mipilte’ zat kammalte le siamnate ka zang kei a, Pasian’ Kha Siangtho vangliatna tawh thu ka hong hilh hi.

Ezekiel 43:10

Tua ciangin Topa in a thugen hong zomlai a, “Mihing ahi Ezekiel aw, Israel mite tungah biakinn thu le a geelna khempeuh cingtakin lak inla, amaute’ mawh gamtatna hangin maizumsak in.

Ezekiel 16:2

“Mihing ahi Ezekiel aw, a muhdahhuai-in a gamtatna thu Jerusalem’ tungah gen in.

JOB (Job) 32:18

Thu a gen dingin kha in kei hong sawl a, tu taktak ciangin ka kam ka ki-ipzo nawn het kei hi.

Mattiu 7:29

Amah in Thukham hilh siate bangin thu gen loin, aana neite bangin thu a genzaw hi.

Ezekiel 22:2

“Mihing ahi Ezekiel aw, mi thahna tawh a kidim khuapi tungah thukhen dingin na kiging nai hiam? A gamtat hoih lohna khempeuh tua khuapi kiangah gen in.

Ezekiel 20:4

“Mihing ahi Ezekiel aw, amaute tungah thu a khen dingin na kiging nai hiam? Na kigin’ khit leh amaute tungah thu khen in. A pu a pate uh’ gamtat hoih lohna teng amaute phawksak in.

Ezekiel 3:14

Pasian’ kha in hong paikhiatpih laitakin lungkim hetloin ka heh suak mahmah hi. Ahi zongin Topa’ vangliatna in kei hong zozaw hi.

Jeremiah 20:9

Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Jeremiah 1:18

En in, hih gambup langah a ding ding, Judah kumpite, uliante, siampite le hih gammi khempeuh langah a pang dingin tuni-in nang, khuapi muanhuai khat bang ahi zongin, sikkhuampi khat bangin ahi zongin, sumngo kulhpi khat bangin ahi zongin ka hong bawl hi.

Jeremiah 6:11

Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

Marka 3:17

Zebedi’ tapa James le a naupa Johan (Jesuh in hih unaute pen “Vanging bang,” a cih nopna Boanerges min a phuahte),

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Isaiah 61:2

Topa in a mite honkhia-in, a galte a guallelhsak ding hun a tunna thu a gen ding, a thum mi khempeuh a hehnem ding,

Kah la 2:14

Na kamsangte un zuauthu longal thudang gen ding nei lo uh a, a thuhilhna uh khemna thu bek ahih manin, a khial na hihlam uh a hong hilhtel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Ezekiel 23:36

Topa in kei kiangah thu hong gen a, “Mihing ahi Ezekiel aw, Oholah le Oholibah tungah thukhen dingin na kithawi nai hiam? A gamtat hoih lohna teng uh amaute tungah gen in.