Micah 3:2 - Tedim Bible

² thuhoih deih loin thusia na deih zawsop uh hi. Note in mite’ vun na hing hawkkhiat uh a, a guh uh na hing kheuh uh hi.

Tedim Bible Revision 2017

² thuhoih deih loin thusia na deih zawsop uh hi. Note in miteʼ vun na hing hawkkhiat uh a, a guh uh na hing kheuh uh hi.

Micah 3:2 Referans Kwoze

Ezekiel 22:27

A kumpi uliante uh, a sa matsa uh a bal gawpgawp ngiahon tawh kibang uh hi. Sum ngahtheih nadingin mi that uh hi.

Paunak 28:4

Thukham a zui lo mite in migilote pakta uh a, thukham a zui mite ahihleh migilote tawh kilem lo uh hi.

Late 53:4

Pasian tungah thu a ngen lo, an nek bangin ka mite a netum, siatna a bawlte in thu theihtelna nei lo ahi hiam?

ROM (Romans) 12:9

Na ki-itnate uh lungsim takpi tawh hi sak unla, a siate mudahin a hoihte lenkip un.

Isaiah 3:15

Ka mite sucipin mizawngte na gawina uh bang na cihnopna uh a hiam?” Vanglian Topa Pasian in ci hi.

2 KHANG TANGTHU NIHNATE 19:2

Ahih hangin amah a dawn dingin Hanani’ tapa, thumu pa Jehu hong paikhia a, Kumpi Jehoshafat kiangah, “Mi gilote huhin Topa a mudahte it ding na hi hiam? Hih thu hangin Topa’ hehna nang tungah hong tungzo hi.

1 KUMPI MASATE 21:20

Ahab in Elijah a muh ciangin, “Ka gal pa aw, kei hong mu na hi hiam?” a ci hi. Amah in dawngin, “Topa’ muhna-ah a sia a gamta dingin nangmah kipiatawm na hih manin nang kong mu hi.

2 TIMOTI NIHNA 3:3

mi khual loin, hehpihna nei loin, mi gensia-in, ngongtatin, kihtakhuai-in, thuhoih deih loin,

ROM (Romans) 1:32

Tua bangin a gamtate in sihna thuak ding hi, ci-in Pasian’ thukhenna thei napi-in, tua bangin amaute a gamtat uh banah, tua bangin a gamtate pakta-in a awi zawsop lai uh hi.

Johan 18:40

amaute awng gawpin, “Hih mipa khah kei in! Barabbas hong khah in!” ci-in a dawng uh hi. (Barabbas pen mi suamin thongkia khat ahi hi.)

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Luka 19:14

Ahi zongin ama gammite in hih ulianpa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Ezekiel 34:3

Tuunawi ne-in, tuumul silhin, tuu thaute go-in a sa na ne uh hi. Ahi zongin tuute na vak kei uh hi.

Late 15:4

migilote thusim lo a, ahi zongin Topa a zahtakte a pahtawi mi, ama natna ding nangawnah a ciampel lo mi,

Isaiah 57:12

Nangma gamtatna a manin na ngaihsunkha hi. Ahih hangin na gamtatnate ka pholak ding a, na milimte in nang hong huh zo lo ding hi.

Ezekiel 11:7

“Tua ahih ciangin Topa Pasian ahi keimah in note kiangah kong gen thu in: Hih khuapi, an huanna beel tawh kibang hi, na cih uh man hi. Beel sunga om sa pen na thahsa uh misi luanghawmte ahi hi. Ahi zongin note ahihleh khuapi sung panin kong lawnkhia ding hi.

Ezekiel 24:4

Sa a phei, a liang, a limci pente khah unla, a guh limcite tawh zong dimsak un.

Micah 2:8

Ahi zongin Topa in hih bangin hong ci hi: Note pen ka mite’ gal na suak uh a, galsung panin a hong ciahkik, lungmuang a a inn-ah a om mite’ puantualpi ngahte na sut uh hi.

Micah 7:2

Leitungah mihoihteng bei khinta a, Pasian’ tungah a thuman mi kuamah om nawn lo hi. Mihoihteng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah tahen.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a sugawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam khathei ding hi.