Micah 2:6 - Tedim Bible

⁶ Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” hong ci uh hi.

Tedim Bible Revision 2017

⁶ Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” hong ci uh hi.

Micah 2:6 Referans Kwoze

Amos 2:12

Ahi zongin note in Nazir mite leenggahzu na dawnsak uh a, kamsangte in ka thu a gen lohna dingun thu na pia uh hi.

Isaiah 30:10

Amaute in thu mutheite tungah, “Mu kei un,” ci uh a, kamsangte tungah, “Kote’ tungah thuman hong gen kei un. Kote tungah thuzol bek hong gen unla, thutak ahi lote hong gen un.

Sawltak 5:40

Tua ahih manin uliante in Gamaliel’ thugen a mang uh hi. Sawltakte samkik sak uh a, a sat khit uh ciangin Jesuh’ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 7:51

“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Sawltak 5:28

“Hih mipa’ min tawh thu na hilh nawn loh nadingun khauhtakin thu kong pia uh hi. Tu-in na gamtatnasate uh thei un. Jerusalem khuasung khempeuhah thu na genthang uh a, ama sihna pen kote nong ngawh nuam uh hi,” a ci hi.

Sawltak 4:17

Ahi zongin mite lakah hih thute a kitheihthang thuah loh nadingin, Jesuh’ min tawh kuama kiangah thu a gen ngei nawn loh nadingun taii ni,” a kici uh hi.

Micah 6:16

Bang hang hiam cih leh Kumpi Omri’ gamtatna zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Amos 7:13

Hih lai pen kumpipa’ biakinn mun, minam bup biakinn mun ahih manin Bethel-ah thu hong gen nawn kei in,” a ci hi.

Ezekiel 21:2

“Mihing ahi Ezekiel aw, Jerusalem khuapi, le mite in biakna a piakna uh mun tuamtuamte mawhsakna thu gen in.

Ezekiel 20:46

“Mihing ahi Ezekiel aw, leitaw lam gam en inla, leitaw lam gam siatna ding thu genin, leitaw lam gam tulakte a siatna ding thu genkhol in.

Ezekiel 3:26

Na leii ka zawsak ding a, hih a lehdo thei mite na thuhilh thei kei ding hi.

Late 74:9

Kote in ka mailam thu ding uh ka thei kei uh hi. Kamsang khat zong om nawn lo a, bang tanvei hi ding, ci-in a thei kuamah ka om kei uh hi.

Isaiah 29:10

Bang hang hiam cih leh Topa in note’ sungah ihmut nopna lungsim hong guan a, amau’ mit ahi kamsangte mitsi sakin amau’ lutang ahi thu mutheite khuhcip hi.

Amos 7:16

Tu-in Topa’ thugen ngai in. Israel mite’ langkhatah thu ka gen ding na hong kho a, Isaac’ suanlekhakte’ langkhatah thu ka gen ding na hong kham hi.

Micah 3:6

“Keima mite lam khialsak na hih manun mailam thu gentheihna maang na mu nawn kei ding uh a, mailam thu peuhmah na gen thei nawn kei ding uh hi. Kamsangte aw, note’ hun beita ding a, ni in hong tumsan ta ding hi,” ci hi.