Micah 2:13 - Tedim Bible

¹³ Pasian in note a’ ding lampi hong honsakin hong paikhiatpih ding hi. Salsuahna khuapikulh panin paikhia-in na suakta ding uh hi. Kumpi ahi Topa mahmah in note hong makai ding hi.

Tedim Bible Revision 2017

¹³ Pasian in note ading lampi hong honsakin hong paikhiatpih ding hi. Salsuahna khuapi kulh panin pai khia-in na suakta ding uh hi. Kumpi ahi Topa mahmah in note hong makai ding hi.

Micah 2:13 Referans Kwoze

Isaiah 52:12

Note’ mai-ah Topa pai ding a, Israel Pasian pen note’ nungah hong cing pa hi ding ahih manin note galtai-in paikhia loin, a kinawhsa-in na paikhia kei ding uh hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpite’ Kumpi, topate’ Topa ahih manin, amah le ama sap, a teel, citakin amah a zuite in tua kumpi sawmte a zogawp ding uh hi,” hong ci hi.

Mangmuhna 7:17

Bang hang hiam cih leh Tokhom laizangah a om Tuuno, amaute a kem pa hi ding a, nuntakna tui omna-ah amaute paipih ding a, Pasian in a khitui khempeuh uh nulsak ding hi,” hong ci hi.

Hebru 6:20

Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi.

Zekhariah 10:12

Ka mite ka thahatsak ding a, amaute in kei hong bia-in ka thu hong mang ding uh hi, Topa in ci hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Isaiah 55:4

David pen mite tungah teci ding, mite a makai ding le a ukpa dingin ka koih hi.

Hosea 13:14

Leinuai-a misite’ omna-ah a pai nading uh panin honin, sih nading panin suaktasak ding ka hi hiam? Sihna aw, gimna na piakna-ah amaute ka hehpih kei hi. Leinuai-a misite’ gam aw, na suksiatna-ah amaute ka khasiat kei hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Micah 2:12

Ahi zongin no Israel mi a omlaite khempeuh pel hetloin kong kaikhawm kik ding hi. Tuubuk sunga tuu khum bangin, gankhawk sungah tuuhon kaihkhop bangin note kong kaikhawm kik ding a, na gam sung uh, mi tampite’ husa tawh kidimkik ding hi, ci hi.

Micah 3:1

Israel a uk makaite aw, hih thu ngai un: Note in thutang thuman a deih dingin a kilawm hinapi-in,

Paikhiatna 14:19

Tua ciangin Israel mihonpite’ mai-ah a pai Pasian’ vantungmi kikhinin amaute’ nungah a pai hi. Amaute’ mai panin meii khuam kikhinin amaute’ nungah ding a,

Joshua 3:6

Tua ciangin Joshua in siampite kiangah, “Thuciamna Singkuang la unla, mite’ mai-ah paisuak un,” a ci hi. Amaute in Thuciamna Singkuang la-in mite’ mai-ah a pai uh hi.

Hosea 2:2

Tate aw, na nu uh zolbawl un. Amah ka zi hi nawn lo a, kei zong ama pasal ka hih nawn loh hangin a paktatna le midang tawh a mawhnate a khawl nadingin zol un.

Micah 4:7

Amaute, a cimawhin gamlapi-ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.