Micah 2:1 - Tedim Bible

¹ A lupna tungah lumin gitlohna a geelgeelte in gimna ngah tahen. Zingsang khua a vak ciangin, hihtheih ding hun a ngah phetun, a ngaihsutsa uh gitlohna a semkhia uh hi.

Tedim Bible Revision 2017

¹ A lupna tungah lumin gitlohna a geelgeelte in gimna ngah tahen. Zingsang khua a vak ciangin, hih theih ding hun a ngah phetun, a ngaihsut sa uh gitlohna a sem khia uh hi.

Micah 2:1 Referans Kwoze

Late 36:4

A lupna tungah lumin siat gamtat ding a ngaihsun hi. Hoih lohna lamah amah kibulhtawm a, amah in siatna nolh lo hi.

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

Nahum 1:11

Nineveh khuapi aw, gitlohna tawh thu vaihawmin, Topa a sawm mite, nang’ sungah om hi lo ahi hiam?

ROM (Romans) 1:30

mi gensiatna, Pasian muhdahna, midangte a heh theih a maizum theih nadingin gamtatna, kiphatsakna, kisialhna, thusia bawlna, nu le pate’ thu man lohna,

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh a nin hi. Na mukte un zuauthu gen a, na leiite un gitlohna thu a gen hi.

Paunak 4:16

Migilote in a sia khatpeuh a sep mateng uh lum thei lo uh a, mi khatpeuh a sukzawh mateng uh ihmu thei lo uh hi.

Paunak 3:27

Na hihzawh ding ahih nakleh midangte’ kitangsapna huh tawntung in.

Piancilna 31:29

Nang kong siatsak ding keima thu ahi hi. Ahih hangin na pa’ Pasian in zan zanin kei kiangah thu hong gen a, ‘Jakob tungah a pha hitaleh a sia hitaleh na gen ding kidawm in,’ hong ci hi.

Sawltak 23:12

A zing ciangin Jew mite pawlkhat kikhawm uh a, Paul i thahkhit ciang bekin anne tuidawn pan ding hi hang, ci-in kiciamna a nei uh hi.

Johan 19:11

Jesuh in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apte’ mawhna lianzaw hi,” ci-in a dawng hi.

Thu-hilhkikna 28:32

Na tapate uh le na tanute uh midang tungah kipia ding a, amaute ngai-in sun nilohin na mit un enin na mit uh gim ding hi. Tuate pen nomau’ tha tawh na dalzawh ding uh hi lo ding hi.

Sawltak 23:15

Tu-in note le uliante in galkap mangpa tungah thu zasak unla, Paul’ thu a cingin a theinuam kineihin, note kiangah Paul hong paipihsak nadingin na ngen un. Hih lai mun hong tunma-in kote in lamkalah ka na that ding uh hi,” a ci uh hi.

Paunak 12:2

Mihoihte in Topa’ maipha ngah a, siatna a gamtate amah in a mawhsak hi.

Luka 20:19

Jesuh in hih thugentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesuh manpah nuam uh hi; ahi zongin mihonte kihta uh ahih manin manpah ngam lo uh hi.

Marka 15:1

A zingsang ciangin siampi liante in upate, Thukham hilh siate, le ulian dang khempeuh tawh thu kikupna khat nei uh a, Jesuh a henkhit uh ciangin paikhiatpihin Pilat tungah a ap uh hi.

Ezekiel 11:2

Pasian in kei kiangah, “Mihing ahi Ezekiel aw, hih mite pen khuapi sungah thu hoih lo a gen migilote ahi uh hi.

Esther 9:25

Ahih hangin kumpipa in hih thu a theih ciangin, Jew mite sukna dingin Haman in a geelsa thu hoih lo pen Haman’ lu tung mah a lehtukna ding, le amah le a tapate khuam tungah a kikhaina ding lai-in gelhin thu a pia hi.

Esther 5:14

Tua ciangin a zi Zeresh le a lawmte khempeuh in ama kiangah, “Pi sawmsagih le nga a sang khuam phutsak inla, tua tungah Mordekai a kikhailup nadingin zingciangin kumpipa kiangah gen in. Tua ciangin nitak an ne dingin lungnuam takin kumpipa tawh pai in,” a ci uh hi. Haman in hih ngaihsutna hoihsa a, a khuam a phutsak hi.

Esther 3:8

Tua ciangin Haman in Kumpipa Ahasueras’ kiangah, “Na ukna gam tuamtuam sunga om mite lakah a om kawikawi, amau a tuam om mi pawlkhat om hi. Amau’ ngeinate pen midangte a’ tawh kibang lo a, amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

JOB (Job) 24:14

A zawng a cimawhte a thatlum dingin khuavak ma-in mi that pa kuankhia a, zan khuamial hun sungin mite’ na a guksak hi.

Paunak 14:22

Na a hoih a semte mite in muangin zahtak a, a sia gamtatna pen khialhna lianpi ahi hi.

Isaiah 29:20

Bang hang hiam cih leh kampauna tawh a khialh nadingun mite bawlin, kongpi sungah mi a thuhilhpa thang siahin, a thuman mipa pen zuauthu tawh a heikhia, thukhual lo mite a mawkna suakin, mi a thusim lo mite bei-in, siatna hih ding a sawm mite khempeuh kisusia ding hi.

Ezekiel 33:26

Note in namsau suanin na nei uh a, na gamtatnate uh kihhuai mahmah hi. Mi khempeuh in nulepa mawhna na gamta uh hi. Tua bangpi-in hih gam luah thei ding na hi uh hiam, ci-in gen in.

Ezekiel 38:10

“Topa Pasian ahi keimah in nang Gog tungah kong genin-ah: Tua hun ding hong tun ciangin na lungsim sungah gitloh gamtat ding ngaihsut na kipan ding hi.

Ezekiel 46:18

Gam uk ulianpa in midangte’ neihsa leitang laksak ngei lo ding hi. Ama tungah a kipia leitang sung panin a tapate khenkhia bek ding hi. Ka mite’ leitang laksakin, bawlsia lo ding hi, ci-in gen in,” hong ci hi.

Micah 6:12

Na mihaute uh mizawngte tungah tatsia mahmahin, na khuasung mi khempeuh uh zuaugen vive ahi uh a, a kam un khemna thu bekbek gen hi.

Zekhariah 7:10

note lakah a om meigong, tagah, gamdang mite, ahih kei leh mizawngte gim pia loin, khatlekhat kiliatsakna ding na ngaihsut lohna ding uh thu ka hong piazo hi,” a ci hi.

1 KUMPI MASATE 21:7

Tua ciangin a zi Jezebel in, “Tu laitakin Israel mite a ukpa hi lo na hi hiam? Tho-in an ne inla, na lungsim nuamsak in. Keimah in Jezreel khuami Naboth’ leenggui lo nangma tungah kong pia ding hi,” a ci hi.

JOB (Job) 15:35

Mihingte in siatna ding bek ngaihsunin sem uh a, mi khem ding bekbek ngaihsun niloh uh hi,” a ci hi.

Late 36:5

Topa aw, na itna kip in vantung ban a, na cihtakna in vanpi dong banto hi.

Late 58:3

Migilote a khan tawnun khial uh hi. A suah tung mahun lam khial pah uh a, zuauthu gen uh hi.

Isaiah 3:14

Topa pen upate le ama mite’ uliante tawh thukhen dingin kipan a, “Leenggui lo a netumte, note na hi uh a, mizawngte’ na a kisutte note’ inn sungah om hi.

Isaiah 5:8

Leitang tungah amau guak a teng ding dong zahin midangte a dingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.