Micah 1:5 - Tedim Bible

⁵ Pasian’ tungah Israel-te’ mawhna le a khialhnate uh hangin hih thute khempeuh a piang ahi hi. Israel-te’ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.

Tedim Bible Revision 2017

⁵ Pasianʼ tungah Israel-teʼ mawhna le a khialhnate uh hangin hih thute khempeuh a piang ahi hi. Israel-teʼ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.

Micah 1:5 Referans Kwoze

Amos 8:14

Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Jeremiah 2:19

Na gitlohna mah in nangmah hong thuhilh ding a, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam hetloin kha velval hi, cih thu thei inla mu in, Vanglian Topa Pasian in ka hong ci hi.

Kah la 5:16

Kisaktheihna ding bangmah om nawn lo a, mawh ihih manin gimna a thuak ihi hi.

Jeremiah 6:19

Leitung aw, ngai in! En un, hih mite tungah a thuak ding mahun a kilawm siatna ka tungsak ding hi. Bang hang hiam cih leh ka thu hong ngai lo uh a, ka thukhamte a nial uh hi.

Jeremiah 4:18

Na lungsim le na gamtatnate’ hangin nang’ tungah hih thu hong tung hi. Hih pen nangma gitlohna hang hi a, na lungtang pailetin hong sun hi,” a ci hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin nang tungah hih bang teng hong tung hi lo ahi hiam?

1 KUMPI MASATE 13:32

Bang hang hiam cih leh Bethel-a biakna tau le Samaria khuapite sunga om mualtung a biaknate khempeuh langpangin Topa’ sawlna bangin a thugenna hong tung taktak ding hi,” a ci hi.

Amos 6:1

Israel minamte in muanin a hong neih, i minam lakah ulian ahi, Zion-ah nuamtakin a om hithiat, Samaria-ah lungmuang takin a om note a dingin zumhuai mahmah hi.

Hosea 7:1

Israel-te a ci uh damsakkik ning, ci-in ka ngaihsut ciangin, amau’ mawhna le amau’ siatna bekbek kimu thei hi. Amaute in mi khemin, inn luhin na gu uh a, konglak nangawnah mi’ na sut uh hi.

Jeremiah 5:25

Na khialhnate un hih na hoihte khaktan a, na mawhnate uh hangin tuate na taanlawh uh hi.

2 KHANG TANGTHU NIHNATE 34:3

Ama uk a kum giatna sung, naupang ahi laipi mahin, amah in a pu David’ Pasian zon ding kipan hi. A kum sawm le nihna ciangin amah in Judah le Jerusalem panin mual dawna biaknate, Asherah milimte, le a kiseek le a kisung milimte beisiangsak ding kipan hi.

2 KHANG TANGTHU NIHNATE 34:4

Tua ciangin amah in Baal-te’ biakna taute ama muhna-ah supaisak hi. Tua ciangin amah in tuate tungah a om paknamtui biakna taute phuk a, Asherah milimte, le a kiseek le a kisung milimte sukhamin gawivui a, tuate’ tungah biakna a pia mite’ han tungah tua a vuite a theh hi.

Isaiah 7:9

Efraim’ lutang, Samaria hi a, Samaria’ lutang, Remaliah’ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

Amos 7:9

Isaac’ suanlekhakte’ biakna munte kinusiacipin, Israel mite’ siangtho munte kisusia ding a, Kumpi Jeroboam’ innkuante a simgawp dingin gal ka kuansak ding hi,” a hong ci hi.

Micah 1:13

Lakhish khua-ah a teng mite aw, na sakol galkapte uh a leeng bulh pak un. Note in Israel-te’ khialhnateng zuikha na hih manun, Jerusalem zong a khialsakte na hi uh hi.

1 KUMPI MASATE 11:7

Tua ciangin Solomon in Jerusalem nisuahna lam mualtungah Moab mite a’ ahi a kihhuai Khemosh le Ammon mite a’ ahi a kihhuai Molek a dingin mualtung a biakna khat a lam hi.

1 KUMPI MASATE 16:24

Amah in Shemer’ tung panin ngun talen nihin Samaria mual lei hi. Amah in kulh tawh a mual um a, tua mual a nei pa Shemer’ min tamin a lamsa khuapi min Samaria a phuak hi.

Jeremiah 23:13

Samaria kamsangte sungah a muhthadahhuai mahmah na khat ka mu hi. Baal min suangin thu hilh uh a, ka mi Israel-te lam a pialpih uh hi.

Jeremiah 23:14

Ahih hangin Jerusalem khuasunga om kamsangte’ sungah a mulkimhuaizaw na khat ke’n ka mu hi. Angkawmin zuauthu gen uh a, mite a gitlohna uh pan a kikhel loh nadingin mi hoih lote a hanthawn zawlai uh hi. A vekpi-un kei’ muhna-ah Sodom khuamite tawh kibang khin ka sa a, Gomorrah khuamite tawh zong kilamdang lo uh hi.

Ezekiel 16:46

Na unu pen leilu lama om Samaria le a khuaneute ahi hi.