Micah 1:3 - Tedim Bible

³ Ama mun siangtho panin Topa hong pai a, amah in leitung mualsang dawnte hong siksuk ding hi.

Tedim Bible Revision 2017

³ Ama mun siangtho panin Topa hong pai a, amah in leitung mual sang dawnte hong sik suk ding hi.

Micah 1:3 Referans Kwoze

Amos 4:13

Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

Thu-hilhkikna 32:13

“Amah in leitung a sangna-ah amaute tuangsak a, amaute in gamlak pana piangte a ne uh hi. Suangpi panin amaute khuaizu hupsakin, meisuang tawh a kibang suang panin sathau a nesak hi.

Habakkuk 3:19

Topa Pasian, keima thahatna ahi hi; sakhi khe bangin ka khe hong zaptelsak a, mun sangna-ah lungmuang takin kei hong paisak hi.

Late 115:3

Vantungah eite’ Pasian om a, ama ut peuhpeuh a hih hi.

Ezekiel 3:12

Tua ciangin Pasian’ kha in hong paipihto a, zinling zahin a gin’ ngaih awging khat ka nungah ka za a, “Vantungah a om Topa, ama minthanna hangin phat un,” ci-in a kiko hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

JOB (Job) 40:12

Mi kiphasakte en inla, amaute niamkhiat gawp in. Migilote khempeuh a omna mun munah tuancil in.

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Zekhariah 14:4

Tua ciangin Jerusalem nisuahna lamah a om Oliv Mual tungah Topa a ding ding hi. Tua ciangin nisuahna lam pan nitumna lamah Oliv Mual kitamin phel nih suak ding a, a kikalah kuampi om ding hi. A mual kimkhat leilu lamah kikhinin, kimkhat leitaw lamah kikhin ding hi.

Amos 9:5

Vanglian Topa Pasian in leitung a lawn’ ciangin tuisuak a, leitung a om mi khempeuh a kap uh hi. Nail Gunpi bangin leitung buppi khangto-in kiamsuk ding hi.