Micah 1:16 - Tedim Bible

¹⁶ Judah mite aw, na it mahmah na tate uh, sal a suak dingin hong kilaksak ding ahih manin, amaute’ hangin na dahna limun na sam uh met unla, musane bangin na lu uh tolsak un.

Tedim Bible Revision 2017

¹⁶ Judah mite aw, na it mahmah na tate uh, sal a suak dingin hong kilaksak ding ahih manin, amauteʼ hangin na dahna limun na sam uh met unla, musane bangin na lu uh tolsak un.

Micah 1:16 Referans Kwoze

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Jeremiah 7:29

“Jerusalem mite aw, na lu uh mettol un. Na sam uh paimang unla, mualtungah va kap un. Bang hang hiam cih leh Topa in hih a gilo khang mite ka nialzo a, ka taisan khinzo hi.

JOB (Job) 1:20

Hih thu a zak ciangin Job dahlua-in a puan balkek a, a sam met khia-in leilakah bok sukin Pasian a bia hi.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun pen a tawp dongin nasia semsem ding hi.

Jeremiah 16:6

Hih gamah miliante le mineute si ding uh a, kivui loin, amau’ hangin kuamah kap loin, kuamah in a pumpi uh kuiliam loin a sam uh zong a met kei ding uh hi.

Jeremiah 6:26

Topa in, “Ka mite’ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Isaiah 15:2

A sangna munte-ah a kap dingin Dibon khuamite paito uh hi. Nebo le Medeba khuate’ hangin Moab mite nakpitakin kap uh hi. Dahna limin lu khempeuh kimettol a, khamul khempeuh zong kimetmai hi.

2 KUMPI NIHNATE 17:6

Hoshea’ kum kuana kumin Assiria kumpipa in Samaria la a, amah in Assiria-ah Israel mite ciahpihin Halah gam sung, Gozan gam a om Habor gun gei, le Media khuapite sungah amaute a koih hi.

Thu-hilhkikna 28:41

Tanute le tapate na nei ding uh a, ahih hangin amaute pen nomau a’ hi lo ding uh hi; bang hang hiam cih leh amaute galmat suak ding uh hi.

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei noleno kisuliam ding na hi uh hiam?

Amos 7:11

Amah in hih bangin thu gen a, ‘Gal sungah Jeroboam si ding a, Israel mite amau’ gam panin salin kipaikhiatpih ding hi,’ ci hi,” ci-in a khia hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak ding a, gal sungah na tate si ding uh hi. Na gam kiphelkhamin midang tungah kipia ding a, lawkite’ gam sungah nang na si ding hi. Israel mite, galmatin kipaipih ding hi,’ ci hi,” a ci hi.

Jeremiah 4:8

Tua ahih manin puanhampi silhin tau-in kap un. Bang hang hiam cih leh Topa’ hehna lauhuaipi eite’ kiang panin kiheikhia nai lo hi.

Kah la 2:19

Zanin tho zelzel inla, Pasian tungah kiko in. Na tate in hehpihna a ngah nadingin na lungsim khempeuh pia in. Kongzing khempeuhah naupangte puksi khin dektak uh hi.