Micah 1:1 - Tedim Bible

¹ Judah gam kumpi Jotham, Ahaz, le Hezekiah-te’ hun laitakin, Moresheth khuami Mikah tungah Topa in thu a pia hi. Samaria le Jerusalem tawh kisai-in Topa in Mikah tungah hih thute a lak hi.

Tedim Bible Revision 2017

¹ Judah gam kumpi Jotham, Ahaz le Hezekiah-teʼ hun laitakin, Moresheth khuami Mikah tungah Topa in thu a pia hi. Samaria le Jerusalem tawh kisai-in Topa in Mikah tungah hih thute a lak hi.

Micah 1:1 Referans Kwoze

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhte’ kiangah, ‘Lo dingin Zion mual a kikho ding hi. Jerusalem khua kisia zan ding a, biakinn mual, gamlak a suak ding hi, ci-in Vanglian Topa in gen hi,’ ci hi.

Isaiah 1:1

Judah gam kumpi ahi Uzziah, Jotham, Ahaz, le Hezekiah-te’ hun lai-in Amoz’ tapa Isaiah in Judah gam le Jerusalem khua tawh kisai a maangmuhnate:

Hosea 1:1

Judah kumpite Uzziah, Jotham, Ahaz, Hezekiah, le Israel kumpi Joash’ tapa Jeroboam’ hun lai-in Beeri’ tapa Hosea tungah Topa in thu na gen hi.

Amos 1:1

Tekoa khua-a a teng tuucingte lakah Amos a kici mi khat om hi. Uzziah pen Judah kumpi hi-in Joash’ tapa Jeroboam in Israel kumpi a sep laitak, zinlin’ ma kum nih hun laitakin Pasian in Amos tungah hih thute kilangsak hi.

Micah 1:5

Pasian’ tungah Israel-te’ mawhna le a khialhnate uh hangin hih thute khempeuh a piang ahi hi. Israel-te’ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.

Amos 6:1

Israel minamte in muanin a hong neih, i minam lakah ulian ahi, Zion-ah nuamtakin a om hithiat, Samaria-ah lungmuang takin a om note a dingin zumhuai mahmah hi.

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulhnei khuapi tampi a lamthuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Hosea 4:15

Kei tungah no Israel mite citak loin nong taisan hangun, note bangin Judah mite khial kei tahen. Gilgal-ah ahi a, Bethaven-ah ahi zongin pai kei unla, tua lai munah Topa’ min tawh na kiciam kei un.

Isaiah 7:9

Efraim’ lutang, Samaria hi a, Samaria’ lutang, Remaliah’ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

Habakkuk 1:1

Hih pen kamsang Habakkuk tungah Topa in maangmuhna sungah a gen thu ahi hi.

2 PETER NIHNA 1:21

Bang hang hiam cih leh mihingte in a deih manin mailam thugenkholh theihna a kingah hi lo a, Kha Siangtho’ sawlna tawh Pasian’ kiang panin a hong pai thute a kigen ahi zaw hi.

2 KUMPI NIHNATE 15:5

Tua ciangin Topa in phaknatna tawh kumpipa vat ahih manin a sih ni dongin amah a phak hi a, inn tuam sungah amah teng hi. Tua ciangin kumpipa’ tapa Jotham pen a innkuan tungah a uk hi a, tua gam mite a uk hi.

2 KUMPI NIHNATE 15:32

Israel kumpi Remaliah’ tapa Pekah’ kum nihna kumin Judah kumpi Uzziah’ tapa Jotham in uk ding kipan hi.

2 KUMPI NIHNATE 16:1

Remaliah’ tapa Pekah’ kum sawm le sagihna kumin Judah kumpi Jotham’ tapa Ahaz in uk ding kipan hi.

2 KUMPI NIHNATE 18:1

Israel kumpi, Elah’ tapa Hoshea’ kum thumna kumin Judah kumpi, Ahaz’ tapa Hezekiah in uk ding kipan hi.

2 KHANG TANGTHU NIHNATE 28:1

Ahaz in uk ding a kipatin kum sawmnih pha a, amah in Jerusalem-ah kum sawm le guk sung uk hi. A pu David gamtat hoih bangin Topa’ mitah a man gamta lo a,

2 KHANG TANGTHU NIHNATE 29:1

Hezekiah in uk ding a kipatin kum sawmnih le nga pha a, amah in Jerusalem-ah kum sawmnih le kua sung uk hi. Ama nu’ min Abijah hi a, Zekhariah’ tanu ahi hi.

Isaiah 7:1

Uzziah’ tapa Jotham, Jotham’ tapa Ahaz ahi Judah kumpipa’ hun laitakin, Syria kumpipa Rezin le Remaliah’ tapa Pekah ahi Israel kumpipa, Jerusalem khuapi a sim dingin kuanto uh a, ahih hangin amaute in zo zo lo uh hi.

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Isaiah 1:2

Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattahsa ka tate in kei hong lehdo uh hi.