Mattiu 9:36 - Tedim Bible

³⁶ Mihonte a muh ciangin, a cing nei lo tuuhon bangin gimna ngahin lungkhamin om uh ahih manin hehpihhuai a sa hi.

Tedim Bible Revision 2017

³⁶ Mihonte a muh ciangin, a cing nei lo tuu hon bangin gimna ngahin lungkhamin om uh ahih manin hehpihhuai a sa hi.

Mattiu 9:36 Referans Kwoze

Marka 6:34

Jesuh, tuigei a tun ciangin mi tampi a na omkhin mu a, amaute, a cing om lo tuute tawh kibang sa ahih manin a khasiat mahmah hi. Tua hi a, amaute thu tampi tak a hilh hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lamkhialin a gammanpih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

Mattiu 14:14

Tui gei-ah Jesuh a tun ciangin mihon tampi a na om a mu hi. Amaute hehpihhuai sa a, a cinate a damsak hi.

Zekhariah 10:2

Mihingte in milim peuh thudotin nei uh a, a thu ngahte uh zuauthu le a mawkna hi lel hi. Mang khiathei-a kineite in lam lakkhial uh a, amau’ hehnepnate a mawknapi hi lel hi. Tua ahih manin tuu bangin mite mangthang uh a, makai a neih loh manun gimna a ngah uh hi.

Mattiu 15:32

Tua ciangin Jesuh in a nungzuite sam a, “Kei kiangah hih mite ni thum bang hong omkhin uh a, amaute in annek ding nei nawn lo uh ahih manin hehpihhuai ka sa hi. Lamkalah cimawh kha ding uh ahih manin gilkialin ka ciahsak nuam kei hi,” a ci hi.

Mattiu 15:24

Jesuh in, “Tuu bangin a mangthang Israel mite lak bekah kei hong kisawl hi,” ci-in a dawng hi.

2 KHANG TANGTHU NIHNATE 18:16

Tua ciangin amah in, “A cing nei lo tuute bangin mualte tungah Israel mi khempeuh a kithehthang ka mu hi. Tua ciangin Topa in, ‘Hihte in to nei lo hi; nuamtakin a inn ciat uhah ciahsak un,’ ci hi,” a ci hi.

Hebru 5:2

Amah zong lam tampi-ah a ginalo thei mi mah ahih manin thu thei lo mite le a khial mite tungah lungnem takin na sem thei hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Mattiu 10:6

Tuu bangin a mangthang Israel mite lakah va paizaw un.

1 KUMPI MASATE 22:17

Tua ciangin amah in, “Tuucing a nei lo tuute bangin mualte tungah Israel mi khempeuh a kithehthang ka mu hi. Topa in, ‘Hihte in makai nei lo hi; amaute lungnuam takin a inn ciat uhah ciah hen,’ ci hi,” a ci hi.

Zekhariah 11:16

Ka tuuhonte a cing dingin tuucing khat ka koih a, ahi zongin ka tuu a sia dingte huh loin, a mangthangte zong loin, a liamte bawl loin, a cidamte zong an vak lo hi. Amah in tua tuu thau pente’ sate ne-in a khecinte nangawn hawkkhiatsak zawsop hi.

Isaiah 13:14

A kidelh sanang le a cing om lo tuu bangin mi khempeuh amau’ mite’ lam ciatah kihei-in, amau’ gam ciatah tai ding uh hi.

Marka 8:2

“Hih mite, kei kiangah ni thum bang hong omkhin uh a, tu-in nek ding nei nawn lo uh ahih manin hehpihhuai ka sa hi.