Mattiu 9:22 - Tedim Bible

²² Jesuh zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dampah hi.

Tedim Bible Revision 2017

²² Jesu zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dam pah hi.

Mattiu 9:22 Referans Kwoze

Luka 7:50

Tua ciangin Jesuh in numei kiangah, “Na upna in nang hong damsak khinta hi; lungnuam takin va ciah in,” a ci hi.

Mattiu 15:28

Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Luka 18:42

Tua ciangin Jesuh in, “Na upna in nang hong damsak khinta hi,” a ci hi.

Luka 17:19

Tua ciangin Jesuh in ama kiangah, “Tho inla ciah in. Na upna in nang hong damsak hi,” a ci hi.

Luka 8:48

Tua ciangin Jesuh in numei kiangah, “Ka tanu aw, na upna in nang hong damsakzo hi; lungnuam takin na ciah in,” a ci hi.

Marka 10:52

Tua ciangin Jesuh in, “Na ciah thei ta ding hi; na upna in nang hong damsakzo hi,” a cihkhit phetin amah in khua mukik theipah a, tua a paina lampi-ah Jesuh’ nung a zui hi.

Marka 5:34

Jesuh in zong tua nu kiangah, “Ka tanu aw, na upna in nang hong damsakzo hi. Cidamsuak inla, lungnuam takin va ciah in,” a ci hi.

Mattiu 9:29

Tua ciangin Jesuh in amaute’ mit lawnsak a, “Na upna uh tawh kizui-in note tungah hong piang ta hen,” a ci hi.

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkaisa ahih manin kihei-in a dawi kiangah, “Hih numei sung panin na paikhiat nadingin Jesuh Khrih min tawh thu kong pia hi,” a cihkhit phetin, tua numei sung panin dawi a paikhia pah hi.

Johan 4:53

Jesuh in, “Na tapa nungta ding hi,” a cih hun tawh a kituak lian ahihna thu a pa in thei a, amah a kipan a innkuanpihte khempeuh in Jesuh a um uh hi.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thuzak uh amaute a dingin a phattuamna om lo hi.

Sawltak 14:9

Amah in Paul’ thuhilhte limtakin a ngai hi. Tua mipa in damna a ngahzawh nading zahin upna nei hi, ci-in Paul in a muh ciangin limtakin amah en a,

Mattiu 17:18

Jesuh in tua naupang’ sung panin dawi a paikhiat nadingin thu pia a, a naupang thakhatin a dampah hi.

Mattiu 8:13

Tua ciangin Jesuh in galkap bupa kiangah, “Na inn-ah ciah in. Na up bangin hong piang ding hi,” a ci hi. Tua hun laitak teek mahin a nasempa a dam hi.