Mattiu 9:16 - Tedim Bible

¹⁶ Kuamah in a ton nai lo puanbek thak tawh puan lui a phop kei hi. Tua bangin phop leh puanbek thak a ton ciangin a lui kaigawmin a vang a gol semsem ding hi.

Tedim Bible Revision 2017

¹⁶ Kuamah in a ton nai lo puan bek thak tawh puan lui a phop kei hi. Tua bangin phop leh puan bek thak a ton ciangin a lui kaigawmin a vang a gol semsem ding hi.

Mattiu 9:16 Referans Kwoze

Johan 16:12

“Ka hong gen ding tampi tak omlai hi; ahi zongin hong gen lai leng note a dingin tamlua ding hi.

1 KORIN MASA 13:13

Tu laitakin a omlai thu thumte pen upna, lametna, le itna hi a, tua thumte sung panin itna mah a thu lianpen ahi hi.

Late 125:3

Thuman mite a khialhkhak loh nadingun amau a kipia leitang tungah migilote in amaute uk paisuak lo ding hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Piancilna 33:14

Na nasempa’ mai-ah ka topa na pai inla, Seir-ah ka topa’ kiang kong tun matengin ka mai-a om ganhingte’ thahatna le naupangte’ hatna tawh kituakin damdamin kong makaih ding hi,” a ci hi.

Mattiu 9:15

Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

Mattiu 9:17

Kuamah in savun um lui sungah leenggahzu thak thun lo hi. Kithun leh a savun um phukham ding a, a leenggahzu bua-in a savun um zong a sia a suak ding hi. Leenggahzu thak pen savun um thak sungah kithun bek hi. Tua ahih manin a nihin a sia om lo hi,” ci-in a dawng hi.

Marka 2:21

“Kuamah in puantungsilh lui phop nadingin a ton nai lo puanbek a thak zang ngei lo hi. Zang zenzen leh a puanbek thak in a puan lui balkek ding a, a vang gol zawsop ding hi.

2 KORIN NIHNA 9:12

Bang hang hiam cih leh note’ huhna sumte in Pasian’ mi a cimawhte’ dong a hu bek hi loin, Pasian’ tungah lungdamkoh nading zong a piangsak ahi hi.

Luka 5:36

Tua ciangin Jesuh in thugentehna dang khat zong gen a, “Mi khat in puan thak khat eukhia-in puan lui thuapna-in nei lo hi. Tua bangin hih leh a puan thak pen a keeksak suak ding a, a puan thak eukhiat zong a puan lui tawh etlawm lo ding hi.