Mattiu 8:6 - Tedim Bible

⁶ “Topa aw, ka nasempa cina-in inn-ah lupna ngakin om a, gim mahmahin taangzo het lo ahih manin hong damsak in,” ci-in a thum hi.

Tedim Bible Revision 2017

⁶ “Topa aw, ka nasem pa cina-in inn ah lupna ngakin om a, gim mahmah in taang zo het lo ahih manin hong damsak in,” ci-in a thum hi.

Mattiu 8:6 Referans Kwoze

Kolose 4:1

Tote aw, note in zong vantungah To khat na neihna uh phawk unla, na silate uh a kilawm a kituakin bawl un.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Kolose 3:11

Tua ahih manin Gentail mi le Jew mi, vun-at mi le vun-at loh mi, khuapi mi le khuaneu mi, sila le sila ahi lo, cih bangin a kilamdanna om lo a, Khrih pen mi khempeuh a’ ding hi thei a, thu khempeuh a’ ding hi thei a, thu khempeuhah amah bek ahi hi.

Sawltak 9:33

Tua khua a tun ciangin a khutlekhe a zaw, kum giat sung tawntung lupna ngakin a om, Aineas kici mi khat a mu hi.

Filemon 1:16

Tu-in amah sal bek hi nawn loin sal sangin a thupizaw, Khrih hangin i sanggam hong hita hi. Kei a dingin amah a manphat mah bangin sal hihna le Topa thu sungah sanggam hihna tawh nang a dingin zong hong manphazaw kan ding hi.

1 TIMOTI MASA 6:2

Thu um mi to-in a nei silate in upna sungah sanggam khat hi hang, ci-in ngaihsutna tawh a tote uh zahtakbawl loin omkha kei uh hen. Amaute’ nasepna hangin hamphatna a ngah mite pen thu um mi le a it uh mite ahih manin a hoihzaw-in a sepsak ding uh a kilawmzaw ahi hi. Tu-a ka hong gen ding thute mi khempeuh tungah hilhin gen in.

Sawltak 10:7

Tua khit ciangin ama kiangah thu a gen vantungmi paikhia a, Kornelias in zong ama innsung nasemte nih le biakna a hahkat mahmah, ama sawltakin a neih galkapte khat sam a,

Sawltak 8:7

Mi tampite sung panin dawite nakpitakin kiko-in paikhia uh a, khutzaw khezaw mite zong kidamsak hi.

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Mattiu 8:7

Jesuh in, “Hong pai-in ka damsak ding hi,” a ci hi.