Mattiu 8:28 - Tedim Bible

²⁸ Tuili galkhat, Gadara gam a tun ciangin han panin dawivei mi nih hong paikhia-in Jesuh a na dawn uh hi. Tua mi nihte kihtakhuai mahmah ahih manin amaute omna lam tawnin kuamah pai ngam lo uh hi.

Tedim Bible Revision 2017

²⁸ Tuili gal khat, Gadara gam a tun ciangin han panin dawivei mi nih hong pai khia-in Jesu a na dawn uh hi. Tua mi nihte kihtakhuai mahmah ahih manin amaute omna lam tawnin kuamah pai ngam lo uh hi.

Mattiu 8:28 Referans Kwoze

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Thukhente 5:6

“Anath’ tapa Shamgar’ hun lai, Jael’ hun lai-in, a hon hona khualzinte om nawn lo a, khualzinte lam gei-ah pial uh hi.

Piancilna 15:21

Amor mite, Kanaan mite, Girgash mite, le Jebus mite’ leitang ka hong pia hi,” a ci hi.

Piancilna 10:16

le Jebus mite, Amor mite, Girgash mite,

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, le Jebus mite, note sangin lianzaw-in a thahatzaw minam sagihte note’ mai panin siangkhiasakin,

Mattiu 8:27

A nungzuite in lamdangsa mahmah uh a, “Huihpi le tuihualte nangawn in ama thu mang ahih manin hih mipa a bangci mi hi ding ahi hiam?” a ci uh hi.