Mattiu 8:27 - Tedim Bible

²⁷ A nungzuite in lamdangsa mahmah uh a, “Huihpi le tuihualte nangawn in ama thu mang ahih manin hih mipa a bangci mi hi ding ahi hiam?” a ci uh hi.

Tedim Bible Revision 2017

²⁷ A nungzuite in lamdang sa mahmah uh a, “Huihpi le tuihualte nangawn in ama thu mang ahih manin hih mipa a bangci mi hi ding ahi hiam?” a ci uh hi.

Mattiu 8:27 Referans Kwoze

Marka 7:37

Amaute in genzawh loh dongin lamdangsa mahmah uh a, “Hih mipa in septheih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Marka 6:51

Tua ciangin amaute omna gunkuang tungah Jesuh kahto a, huihpi zong a daipah hi. Nungzuite in lamdang a sa mahmah uh hi.

Marka 1:27

Mi khempeuh in lamdangsa uh a, khatlekhat in, “A bangci thu ahi hiam? Bang thuthak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Mattiu 15:31

A pau thei lote pau thei-in, khezawte damin, khebaite hoihtakin lam paithei-in, mittawte in khua a muh theihkikna thu mihonpite in a muh uh ciangin lamdangsa mahmah uh a, Israel mite’ Pasian a phat uh hi.

Mattiu 14:33

Tua ciangin gunkuang sungah a om nungzuite in Jesuh bia uh a, “Pasian’ Tapa taktak na hi hi,” ci-in a gen uh hi.

Mattiu 8:10

Jesuh in hih bupa thugen a zak ciangin lamdangsa a, amah a zui mihonte kiangah, “A mantak a kong genin-ah Israel mite lak nangawnah hih bang upna a nei ka mu nai kei hi.

Mattiu 8:26

Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Mattiu 8:28

Tuili galkhat, Gadara gam a tun ciangin han panin dawivei mi nih hong paikhia-in Jesuh a na dawn uh hi. Tua mi nihte kihtakhuai mahmah ahih manin amaute omna lam tawnin kuamah pai ngam lo uh hi.