Mattiu 8:17 - Tedim Bible

¹⁷ Kamsang Isaiah in, “Amah in eite’ natna teng thuakin, eite’ gimna teng puakhia hi,” ci-in a genna thu a tun nadingin hih bang a piang ahi hi.

Tedim Bible Revision 2017

¹⁷ Kamsang Isaiah in, “Amah in eiteʼ natna teng thuakin, eiteʼ gimna teng pua khia hi,” ci-in a genna thu a tun nadingin hih bang a piang ahi hi.

Mattiu 8:17 Referans Kwoze

Isaiah 53:4

“Amah in eite’ natna teng thuakin, eite’ gimna teng pua khin taktak hi. Ahi zongin eite in amah pen ama mawhna hangin Pasian in a gimsak, gimna a thuak bangin i ngaihsun hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Mattiu 1:22

Topa in kamsangpa tungtawnin a gensa thu a tun theih nadingin hih thute a piang ahi hi. Tua a genna-ah,

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

Mattiu 2:15

Herod a sih hun ciang dong tua gamah a va om uh hi. Kamsangpa tungtawnin Topa in, “Egypt gam panin ka Tapa ka samkhia hi,” ci-in a genna thu a tun nadingin hih bangin a piang ahi hi.

Marka 1:32

Tua nitak lam, ni a tum khit ciangin mite in Jesuh kiangah cina khempeuh le dawivei khempeuh a hong paipih uh hi.

Luka 4:40

Ni a tumkhit ciangin natna tuamtuam a nei mi khempeuh Jesuh kiangah hong paipih uh a, Jesuh in amaute khempeuh tungah a khut nga-in a damsak hi.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khrih hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

Piancilna 22:6

Abraham in meihal biak nading sing la-in a tapa Isaac’ tungah suan a, amah in a khut sungah mei le temta a tawi hi. Tua bangin amau tegel paikhawm uh hi.