Mattiu 7:15 - Tedim Bible

¹⁵ “Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi.

Tedim Bible Revision 2017

¹⁵ “Kamsang taktak ahi lote na muh uh ciangin limtakin kikem un. Amaute in a tungtham ah tuu lim hong pua-in, ahi zongin a sung tawng taktak uh ngia hangsan bang ahi uh hi.

Mattiu 7:15 Referans Kwoze

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Mattiu 24:11

Kamsang kineihkhem mi tampi hong piang ding a, mi tampi tak umkhialsak ding uh hi.

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

Juda 1:4

Bang hang hiam cih leh Pasian’ thu a ngaihsun lo mi pawlkhat, eite lakah kuama phawk lohin hong lutsim uh a, amaute’ mawh gamtat ngamnate a seelna-un Pasian’ hehpihna thupha a lehlamin hei-in, eite in khat bek i neih i Mangpa le i Topa ahi Jesuh Khrih a nial uh hi. Hih bang mite’ gimthuak ding thu tanglai pekin Lai Siangtho in a gensa thu ahi hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

2 PETER NIHNA 3:17

Tua ahih ciangin ka itte aw, hih thute theikhol unla, ngeina man zui lo mite’ khemna zuikha-in na bulkip panun na pukkhak loh nadingun na kidawm un.

Luka 6:26

“Mi khempeuh in note hong pahtakbawl ciangin gimna a thuak ding na hi uh hi. Bang hang hiam cih leh a pu a pate un zong tua bangmahin kamsang zuaute a pahtakbawl uh hi.

2 TIMOTI NIHNA 3:13

migilote le thuthei kineihin mi khem theite zong siattat semsemin, amaute in mi khemkhemin, amaute mah in zong khemna a thuak ding mah uh ahi hi.

2 TIMOTI NIHNA 4:3

Mite in thuman a ngaih nop loh hun, amaute’ deihna bek a zuihnop hun, amaute’ zaknop thute bek a gen ding sia a cial thuahthuah hun hong tung ding hi.

Filippi 3:2

Ui bangin a miginalo, a gitloh gamtat, vun at ding a ci teiteite kiang panin na kidawm un.

Efesa 4:14

Tuahun ciangin thu upna lamah naupang ihi nawn kei ding a, mite khemin a khialsak theite’ mutna hangin i suk hoi i to hoi nawn kei ding a,

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Luka 12:15

Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Ezekiel 22:27

A kumpi uliante uh, a sa matsa uh a bal gawpgawp ngiahon tawh kibang uh hi. Sum ngahtheih nadingin mi that uh hi.

Mangmuhna 16:13

Tua ciangin gulpi kamsung, ganhing kamsung, le a man lo kamsangpa’ kamsung panin uiphuk tawh a kibang kha gilo thum a hong pusuak ka mu hi.

Efesa 5:6

Hih bang mawhnate i bawl hangin phamawh kei, ci-in a mawk gen mite’ khemsa-in ta kei un. Pasian thu mang loin hih bangin a gamta mite in Pasian’ hehna a thuak ding uh ahi hi.

Sawltak 13:40

Tua ahih manin kamsangte in, ‘Pasian a thusim lo mite aw, lamdangsa lua-in na si ding uh hi. Na nuntak sungun note lakah ka sepkhiat ding uh thu pen mi khatpeuh in hong gen hileh na up hetloh ding uh thu ahi hi,’ ci-in a gen uh thute, note tungah hong pian’ khak loh nadingin kidawm un,” a ci hi.

Johan 10:12

Tuu nei taktak ahi lo, a kicialtawm tuucingpa in ngia khawng a muh ciangin a tuute nusia-in taisan ahih manin ngia in tuute man a, tuute a kithehthang gawp hi.

Mattiu 16:11

Hih thu ka gen ciangin anlum thu a gen ka hihlohlam bangci-in phawk thei lo lawmlawm na hi uh hiam? Farisi-te le Saddusi-te’ silngo hoihtakin kidawm un,” a ci hi.

Mattiu 16:6

Jesuh in amaute kiangah, “Farisi-te le Saddusi-te’ silngo hoihtakin kidawm un,” a ci hi.

Mattiu 10:17

Mi pawlkhatte in note hong manin zumah hong paipih ding uh a, amaute’ kikhopna inn sungah hong satgawp ding uh ahih manin hoihtakin kidawm un.

Zekhariah 13:4

Tua ni hong tun ciangin kamsangte in a maangmuh theihna uh kisialhpih ngam nawn loin, kamsangte bangin zong puan silh ngam nawn loin, kamsang zong kineih ngam nawn lo ding uh hi.

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Ezekiel 13:22

Keima gen hi lo napi-in na thuzuau genteng uh tawh mihoihte na lunggimsak uh a, migilote a sihtheih nadingun hong kihei loh nading lamah na lehhanthot zawsop uh hi.

Ezekiel 13:16

thu hoih lo napi-in thu hoih hi, ci-in Jerusalem a lungmuan nadingin thu a gen kamsangte zong bei khinta hi,’ ka ci ding hi. Topa Pasian ahi keimah in hih thu ka gen hi,” a hong ci hi.

Jeremiah 29:32

Topa in kong cihin-ah: En un, keimah in Nehelam khuami Shemaiah le a suan a khakte gim ka pia ding hi. Amah in keimah hong langpanna ding thu gen ahih manin ka mite a dingin a hoih ka bawl ding nate, amah le a suan a khakte khat beek in a mu kei ding uh hi, ci-in gen in,” hong ci hi.

Jeremiah 29:21

“Vanglian Topa, Israel mite’ Pasian in, kei’ min tawh note kiangah zuauthu a hong hilh Kolaiah’ tapa Ahab le Maaseiah’ tapa Zedekiah-te tawh kisai-in kong genin-ah: En un, keimah in amaute Babylon kumpipa Nebukhadnezzar’ khut sungah ka pia ding a, amah in note’ muhin amaute a thatlum ding hi.

Mangmuhna 17:6

Tua ciangin mi siangthote le Jesuh tungah a cihtak uh manin a kithat mite’ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Sawltak 13:6

Tua tuikulh tung khempeuhah zin kawikawi-in Pafos khua a tun uh ciangin mitphial a bawl, kamsang a kineih, Barjesuh min nei Jew mi khat a tuak uh hi.

1 KUMPI MASATE 13:18

Tua ciangin amah in, “Kei zong nangmah bangin kamsang khat ka hi a, Topa’ sawlna bangin vantungmi khat in kei tungah thu hong gen a, ‘Amah in anletui ne-in a dawn theih nadingin na inn-ah amah paipih kik in,’ hong ci hi,” a ci hi. Ahih hangin amah in Pasian’ mipa tungah zuau genin a phuahtawm ahi hi.

Daniel 11:34

Tua bangin thahna a thuak laitakun, pawlkhat in huhna a ngah ding uh hi. Mi tampi in huhna a piak uh hangin amau’ meetna ding ngaihsutna bek ahi hi.

Mattiu 7:14

Ahi zongin nuntak tawntungna tun nading kong kawcikin a lampi haksa a, mi tawmno bek in a zuizo uh hi.

Mangmuhna 20:10

Amaute a khem Satan pen ganhing le kamsang zuau pa a omna mun, kat a kikhulna meiphualpi sungah kilawn a, a sun a zanin tua lai munah amaute in gimna a thuak tawntung ding uh ahi hi.