Mattiu 7:14 - Tedim Bible

¹⁴ Ahi zongin nuntak tawntungna tun nading kong kawcikin a lampi haksa a, mi tawmno bek in a zuizo uh hi.

Tedim Bible Revision 2017

¹⁴ Ahi zongin nuntak tawntungna tun nading kong kawcikin a lampi haksa a, mi tawmno bek in a zui zo uh hi.

Mattiu 7:14 Referans Kwoze

Mattiu 22:14

“Bang hang hiam cih leh mi tampi a kisap hangin tawm bek a kiteel hi,” a ci hi.

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi. A siang lo mite in tua tung tawn ngei lo ding a, mihaite in tua lam a zui mite khialsak nawn lo ding hi.

Marka 8:34

Tua ciangin Jesuh in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Paunak 8:20

Thuman lampi ka zui a, thutang lampi ka tawn hi.

Isaiah 30:21

Taklamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nunglam panun na bil un a za ding hi.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Mattiu 20:16

Tua ahih manin a neute lian ding a, a liante neu ding hi,” a ci hi.

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Luka 12:32

Tua ciangin Jesuh in, “Tuuhon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong sehsa ahi hi.

Isaiah 57:14

“Zik un, zik un, lampi bawl un; ka mite’ lampi a dongkhak thei ding na khempeuh lakhia un,” kici ding hi.

ROM (Romans) 9:32

Amaute in upna suang loin nasepna a suan hang uh ahi hi. Amaute pen Lai Siangtho in a gen mah bangin, “Puk nading suang,” a kici tungah a pukkha uh ahi hi.

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma taklamah nop tawntungnate a om hi.

Mattiu 7:13

“Kong kawcik bek tawnin lut un. Hell khuk tun nading kongvang pen lianin a lampi baih a, mi tampi in a zui uh hi.

Mattiu 7:15

“Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi.