Mattiu 7:13 - Tedim Bible

¹³ “Kong kawcik bek tawnin lut un. Hell khuk tun nading kongvang pen lianin a lampi baih a, mi tampi in a zui uh hi.

Tedim Bible Revision 2017

¹³ “Kong kawcik bek tawnin lut un. Hell khuk tun nading kongvang pen lianin a lampi baih a, mi tampi in a zui uh hi.

Mattiu 7:13 Referans Kwoze

Paunak 16:25

Hoih hi, ci-in i ngaihsut thu khat pen sih theih nading thu na hi zawsop thei hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuakkha loin, a ututun sungtumin pusuakin lonona mun a mu ding uh hi.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Paunak 9:6

Thu thei lote taisanin khansau unla, pilna lampi zui un,” cisak hi.

Galati 5:24

Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Mattiu 3:8

Na kisik kikna uh a kilangsak ding gamtatna gamta unla,

2 KORIN NIHNA 6:17

Tua ahih manin Vanglian Topa keimah in kong genin-ah: Amaute tawh kikhenin amaute kiang panin paikhia unla, a siang lo peuhmah sukha kei un. Tua hileh note ka hong ngai ding hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mangmuhna 20:15

A nungta mite a kigelhna laibu sungah a min a om lo peuhmah meiphualpi sungah kilawn hi.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute-ah kisial zawsopin, leitung nate bek ngaihsutin nei uh ahih manin Hell khuksung a tung ding uh ahi hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

Sawltak 3:19

Tua ahih ciangin na mawhnate uh hong sawpsiangsak theih nading, Topa kiang panin a hong pai lungsim nopna hun na ngah theih nading uh le note a dingin a sehsa Jesuh Khrih a hong sawltheih nadingin na mawhna uh kisik unla, Pasian kiang zuan un.

Mangmuhna 20:3

Tua ciangin kuahawm thukpi sungah khiasuk a, kum tulkhat a cin mateng minam tuamtuamte a khemtheih nawn loh nadingin a tawh kalhin a ciamteh hi. Kum tulkhat a cinkhit ciangin tawlkhat sung a kikhah ding ahi hi.

1 JOHAN MASA 5:19

Leitung midang khempeuh Dawimangpa’ khut sungah a om ahi zongin eite pen Pasian’ mi ihihna thu i thei hi.

Mattiu 25:46

Tua ahih ciangin tawntung gimthuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Piancilna 6:12

Pasian in leitung en a, a kisiagawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

ROM (Romans) 9:22

Tua mah bangin Pasian in zong a beisa hunah siatna a thuak dingin a kilawm mite susia loin a ki-ipipna mite tungah a hehna le a vangliatna a lahtheih nading thu a neih mah bangin,

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Luka 9:33

A mite, Jesuh kiang panin a paikhiat laitakin Peter in bang gen ka hi hiam, cih mel zong a thei lopi-in Jesuh kiangah, “Topa aw, hih lai-a i om, nuam mahmah hi. Nang a’ ding buk khat, Moses a’ ding buk khat, Elijah a’ ding buk khat, buk thum kong lamsak ding uh hi,” a ci hi.

Paunak 7:27

Tua bang numei zuihna pen sihna gam zuatna hi a, sih baihna ding lampi zuatna ahi hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi. A siang lo mite in tua tung tawn ngei lo ding a, mihaite in tua lam a zui mite khialsak nawn lo ding hi.

Mattiu 7:14

Ahi zongin nuntak tawntungna tun nading kong kawcikin a lampi haksa a, mi tawmno bek in a zuizo uh hi.