Mattiu 6:5 - Tedim Bible

⁵ “Note in thu na nget uh ciangin mite’ muh theih dingin a kineihkhem mite in kikhopna innsung le kongzing lamka lai-ah a ngetnop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Tedim Bible Revision 2017

⁵ “Note in thu na nget uh ciangin miteʼ muh theih dingin a kineihkhem mite in kikhopna inn sung le kongzing lamka lai ah a nget nop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Mattiu 6:5 Referans Kwoze

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un note’ mawhna hong maisak ding hi.

Jeremiah 29:12

Tua hun ciangin note in kei hong samin, hong pai-in thu nong ngen ding uh a, ke’n zong kong dawng ding hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

Luka 20:47

Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasian’ hong hehpihna lianzaw hi.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesuh in a nungzuite kiangah thugentehna khat gen a,

Daniel 6:10

Tua bang thupiakna lai kihawmkhia khinzo ta hi, ci-in Daniel in a theih ciangin a inn-ah a ciah hi. A inn dawl tungnungah Jerusalem lam a nga tawlet thum a om hi. Tua laitakah tawlet honsa-in a hih ngei bangin khukdinin ni khatin thumvei ta Pasian kiangah thu a ngen hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

Luka 11:43

“No Farisi mite in gimna na thuak ding uh hi. Kikhopna inn sungah tutphah nuampen ah na tunuam uh a, mihon lakah hong kizahtak hopih ding na ut uh hi.

Mattiu 21:22

Upna na neih nak-uhleh na nget peuhpeuh uh na ngah ding uh hi,” a ci hi.

Late 55:17

Nitak, zingsang, le sunin ka gimna leh ka thumnate ama tungah ka gen a, amah in keima thumna aw, hong za ding hi.

Late 5:2

Ka kumpi le ka Pasian aw, nangma tungah hong thum ka hih manin ka kikona aw hong ngai in.

1 THESALONIKA MASA 5:17

thu ngen niloh unla,

Johan 16:24

Tuni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

Marka 12:38

Jesuh in a thuhilhna-ah, “Thukham hilh sia pawlkhatte na bat khak loh nadingun na kidawm un. Amaute in puantualpi silhnuam uh a, mite lakah mite in a zahtak hopih ding a deih uh hi.

Mattiu 9:38

Tua ahih manin ama an a la dingin an nei Topa in nasem tampi hong sawl nadingin thu ngen un,” a ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Paunak 16:5

Topa in a kihisak mite mudah a, amaute in gimna thuak hamtang uh hi.

Mattiu 23:6

Pawi sungah a om uh ciangin uliante’ tutna dinga a kibawl munah tunuam se uh a, kikhopna inn sungah zong uliante tutna tutphah nuampente tungah a tunuam diak uh hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Mattiu 6:1

“Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 23:5

Amaute in a sepna khempeuh uh mite’ muhtheih dingin a hih se uh hi. Amaute in a talsuan le a banbulhte uh a gol pipi-in bawlin, a puanmongteep uh a sau theithei-in a bawl uh hi.

Luka 6:24

“Ahi zongin tuhunin a hau note in nopsakna ngahkhin na hih manun gimna na thuak ding uh hi.