Mattiu 6:33 - Tedim Bible

³³ Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Tedim Bible Revision 2017

³³ Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Mattiu 6:33 Referans Kwoze

Luka 12:31

Tua ahih manin Pasian’ Ukna ngaihsutin nei masazaw un. Tua hileh hih na kisapna dangte uh zong Pasian in hong piathuah ding hi,” a ci hi.

Mattiu 5:6

Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

ROM (Romans) 14:17

Bang hang hiam cih leh Pasian’ Ukna pen nekledawn tawh a kisai thu hi lo a, Kha Siangtho hangin i ngah Pasian’ deih bangin gamtatna, kilemna, lungdamna, cihte hizaw hi.

Late 37:25

Thuman mi a kinusiacip, a suanlekhakte ngen tawmin a kivak, ka neu lai a kipanin tu-a ka teek hun ciang dong ka mu ngei nai kei hi.

Late 37:3

Topa muang inla, gamtat hoih in. Gam nuamah teng inla, thumanin om in.

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah zakhat ngahkikin, nuntak tawntungna zong a ngah ding uh hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong koppih peuh leh kua in eite hong zozo ding ahi hiam?

1 TIMOTI MASA 4:8

Pumpi kisekin kisinna manpha hi. Ahi zongin kha thu-ah kisekin kisinna pen tuhun laitak le a hong tung ding hunah nuntakna hong piathei ahih manin manphazaw lai hi,

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

ROM (Romans) 1:17

Lai Siangtho sungah, “Pasian a upna hangin amah tawh pawlkhat ahi mite nungta ding hi,” ci-in a kigelh mah bangin Pasian in amah tawh a kipawl theih nadingin mite a bawlna zia, lungdamna thu in hong kilangsak hi. Tua pen, a patna panin a tawp dongin upna hang bek tawh ahihna thu hong laktel hi.

Filippi 3:9

Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesuh Khrih upna hangin Pasian in a hong piak diksakna ka ngah a, tua pen upna siksanin a hong kipia ahi hi.

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

Mattiu 4:17

Tua hun a kipan Jesuh in thuhilh ding kipan a, “Vantung ki-ukna hong naita ahih manin kisikin na omzia uh kheel un,” ci-in thu a hilh hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

2 THESALONIKA NIHNA 1:5

Tu-a na thuaknate uh hangin Pasian’ Ukna sungah a om dingin a kilawm mi suak na hih manun Pasian’ thukhenna a man ahihna hong kilangsak hi.

ROM (Romans) 10:3

Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi.

Sawltak 28:31

Amah in Pasian’ Ukna thu le Topa Jesuh Khrih’ thu, hangtakin a ututin genin a hilh hi.

2 PETER NIHNA 1:11

Tua hileh eite’ Topa le Honpa Jesuh Khrih Uk tawntungna sungah nuamtakin na lut thei ding uh hi.

1 KUMPI MASATE 17:13

Tua ciangin Elijah in ama kiangah, “Lunghimawh kei in; pai inla na gensa bangin an hong bawl in. Kei a dingin mohneu khat hong bawlsak masa-in kei kiangah hong paipih inla, tua khit ciangin nang le na tapa a’ ding bawl in.

2 PETER NIHNA 1:1

Jesuh Khrih nasem le sawltak ahi keimah Simon Peter in: Eite’ Pasian le Honpa ahi Jesuh Khrih a thumanna hangin kote’ upna zah mahin upna manpha a nei mite tungah lai ka hong khak hi.

Luka 1:6

A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

Jeremiah 23:6

Ama hun hong tun ciangin Judah mite kihonkhia ding a, Israel mite lungmuang takin a teng ding uh hi. Amah a kilawh nadingin a min, ‘Topa, Eite’ Diktanna,’ ci-in a kiphuak ding hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

1 KORIN MASA 3:22

Paul, Apollos, Peter cihte ahi a, hih leitung, nuntakna, sihna, tuhun le mailam hun, cihte a kipan na khempeuh nomau a’ ahi hi.

Sawltak 20:25

“A beisa hunah Pasian’ Ukna thu a hilhin note lakah kong vak kawikawi a, ahi zongin tu-in kuamah in nong muhkik nawn loh ding uh ka thei hi.

Late 112:3

Hauhna le nopsaknate a innkuan sungah dim ding a, ama thumanna kip tawntung ding hi.

Paunak 8:18

Piakkhiat theih ding hauhna le minphatna, daupaina le ma tutsak zawhna a kicingin ka nei hi.

Paunak 10:3

Topa in mihoihte a gilkialin koih lo a, migilote a duh uh nesak lo hi.

Paunak 28:10

A diktat mi khat siatsak ding a hanciam pa pen ama tawhsa gum sung mahah kia ding hi. A dik mipa in gamh hoih luah ding a, migilo pa in bangmah luah lo ding hi.

Thuhilh-sia 10:2

Mipilte a manin a gamtat ding a ngeina hi a, mihaite a sia-in a gamtat ding a ngeina ahi hi.

Isaiah 26:9

Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung le a mite tungah thu na khen ciangin leitung a a teng mite in thuman i cih bang hiam, cih a phawk ding uh hi.

Isaiah 33:6

Amah pen nangma hunte a kipna, hotkhiatna a kicinna, pilna le theihna hi ding hi. Topa kihtakna pen ama sumgum hi ding hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Johan 5:4

Bang hang hiam cih leh Topa’ vantungmi khat in tua bual tui lok thei zel a, tui a kilawh khit ciangin tua lai a tung masa penpen ama natna panin a dam hi.)