Mattiu 6:19 - Tedim Bible

¹⁹ “Nget in ne-in a kekseu theihna, gutate in luhin a guktheihna hih leitungah na sum uh khol kei un.

Tedim Bible Revision 2017

¹⁹ “Nget in ne-in a kekseu theihna, gutate in luhin a guk theihna hih leitungah na sum uh khol kei un.

Mattiu 6:19 Referans Kwoze

Hebru 13:5

Sum deihluatna tawh na kipelh nadingun na nuntakna uhah kikem unla, na neihzah uh tawh lungkim un. Pasian in, “Note ka hong nusia ngei kei ding a, ka hong tamasak ngei kei ding hi,” hong ci hi.

Luka 12:21

Tua ciangin Jesuh in a thugen a khupna-in, “Tua mah bangin amau a’ ding bekin a kholcipte pen Pasian’ muhna panin mihau hi lo uh hi,” a ci hi.

Paunak 16:16

Kham sangin pilna hoihzaw a, ngun sangin thutheihna deihhuai zaw hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Zefaniah 1:18

Topa’ heh thuk ni hong tun ciangin a ngun le a khamte un amaute honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitung a teng mi khempeuh a sumai ding hi.

Luka 18:24

Jesuh in ama dahna a muh ciangin, “Pasian’ Ukna sungah mihaute a lut ding bangzah takin haksa ahi hiam?

Late 62:10

Zawhthawh thu tawh ngahna muanin nei kei inla, suhgawpnate lametin nei kei in. Na hauhna a khan leh, tuate muanin nei kei in.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kua’ ngah ding cih thei lopi-in mite in na a khol uh hi.

Mattiu 19:21

Jesuh in, “Mi cingtaak na hihnop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

JOB (Job) 31:24

“Leitung hauhna muan le suanin ka nei ngei kei a,

Thuhilh-sia 2:26

Pasian in amah a lungdamsakte tungah pilna, theihna, le lungdamna pia a, ahi zongin a hehpihhuai mimawhte ahihleh a sep bek sisakin, amau’ thalawhsa khempeuh amah a lungdamsakte tungah a piaksak hi. Hih pen a mawknapi taktak, huihpi nungdelh bang bek ahi hi.

JOB (Job) 24:16

Gutate in sun sungin a ciamtehsa teng zanin a inn luh uh a, sun sung bu-in khuavak a peel uh hi.

Mattiu 6:20

Nget in a nek theih lohna, a kekseu theih lohna, gutate in luhin a guk theih lohna mun vantungah note a dingin kholzaw un.

Luka 12:39

Ahi zongin na phawk ding uh thu khat om hi. Mi khat in guta pa’ hong pai ding hun theikhol leh a inn luhsak lo ding hi.