Mattiu 5:9 - Tedim Bible

⁹ Kilem nading deihin a hanciam mite in Pasian’ tate cihna ngah ding uh ahih manin thupha ngah mi ahi uh hi.

Tedim Bible Revision 2017

⁹ Kilem nading deihin a hanciam mite in Pasianʼ tate cihna ngah ding uh ahih manin thupha ngah mi ahi uh hi.

Mattiu 5:9 Referans Kwoze

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

ROM (Romans) 12:18

Ahih theih laiteng mi khempeuh tawh na kilem nadingun hanciam un.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Late 120:6

Gal kilemna a deih lo mite lakah sauvei ka teng luakha hi.

ROM (Romans) 8:14

Pasian’ Kha Siangtho in a makaih mite, Pasian’ tate ahi uh hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

2 KORIN NIHNA 13:11

Sanggamte aw, tu-in mangpha na man un. Na omzia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a piathei Pasian in note hong ompih tahen.

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in note’ mawhna hong maisak bangin note zong khatlekhat na mawhna uh na kimaisak ding uh hi.

Late 34:12

Nopna a neih theih nadingin nuntakna le khansau a deih kua ahi hiam?

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

2 KORIN NIHNA 5:20

Tua ahih ciangin kote pen Khrih tangin nasem ka hi uh a, Pasian in kote zangin note tungah thu a hong gen ahi hi. Pasian tawh kilemin pawlkhatin na om nadingun Khrih tangin a hong thum ka hi uh hi.

Sawltak 7:26

A zing ciangin Israel mi nih a kilai mu leuleu a, amaute a phelh dingin kipanin, ‘Lawmte aw, minam khat hi lo na hi uh hiam? Bang hangin khatlekhat tuaci kibawl na hi uh hiam?’ ci hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

1 KHANG TANGTHU MASATE 12:17

Amaute a dawntuah dingin David paikhia-in amaute kiangah, “Kei kiangah kilawmtatna tawh keimah a huh dingin hong pai na hih uhleh note tawh ka lungsim kihual khawm ding hi. Ahih hangin keimah in bangmah khialhna nei lo napi-in ka langte tungah kei a hong lehhek dingin a hong pai na hih uhleh, i pu i pate’ Pasian in thei hen la, note hong tai ta hen,” a ci hi.

1 KORIN MASA 6:6

Tua hinapi, khatlekhat thu kineihin zum na kitun uh a, lawki thukhente na khensak tazen uh hi.

Filippi 4:2

Euodia le Sintikhe, Topa’ hangin a kilemkik ding uh ka thum nuam hi.

Luka 20:36

Amaute pen vantungmi tawh kibang uh a, sithei nawn lo uh hi. Sihna panin a thokik khinte ahih manin amaute pen Pasian’ tate ahi uh hi.

Efesa 4:1

Tua ahih ciangin Topa’ na ka sepna hangin thong a kia keimah in note’ nuntakzia dingin a hong deihna tawh a kilawm a kituakin na nuntak nadingun ka hong hanthawn hi.

ROM (Romans) 8:16

Eite, Pasian’ tate ihihna thu eima lungsim bek in a gen hi loin Pasian’ Kha Siangtho in zong hong genpih hi.

ROM (Romans) 8:19

Pasian’ bawlsa khempeuh in Pasian’ tate a hong kilahkhiat hun ding lawp mahmahin a ngak uh hi.