Mattiu 5:8 - Tedim Bible

⁸ Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.

Tedim Bible Revision 2017

⁸ Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.

Mattiu 5:8 Referans Kwoze

Late 24:4

Gamtat siangtho le lungsim siangtho a nei, a man lo thu-ah a nuntakna pia loin, khemna tawh a kiciam lo mite ahi hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Paunak 22:11

Kamsiamna in kumpipa’ lawm hong suaksak a, ahi zongin Topa in lungsim takpi a deih hi.

Jeim 4:8

Pasian kiang nai un. Amah in zong hong nai ding hi. Mawhneite in na khut uh silsiang unla, a kineihkhemte in na lungsim uh siangsak un.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.

Jeim 3:17

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Titu 1:15

Lungsim siangthote a dingin na khempeuh a siang hi a, ahi zongin thu um lote a lungsim ngaihsutnate uh siakhin ahih manin amaute a dingin a siang bangmah om lo hi.

Late 15:2

Paubaang loin gamta-in, a manin na sem a, lungsim tak a gen mi,

Sawltak 15:9

Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

Late 73:1

Israel mite bangin a lungsim a siangtho a thutang mite tungah Pasian hoih takpi hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Late 18:26

A siangtho mi tungah na siangtho gamtat a, thukawi mite na galbawl hi.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

Mangmuhna 22:4

Amaute in ama maitang mu ding uh a, a taltang tung uhah ama min kigelh ding hi.

Piancilna 32:30

Tua ahih ciangin Jakob in tua mun pen Peniel, ci-in min a phuak hi. “Bang hang hiam cih leh maitang kituahin Pasian ka mu khin a, ahi zongin kei hong kihing khawi lai hi,” a ci hi.

Late 51:6

Nang in nuntakna sungah thumanna na deih hi. Tua ahih ciangin ka lungsim tawngah ciimna hong hilh in.

2 SAMUEL NIHNA 22:27

A siangtho mi tungah a siangtho-in na gamta a, a thukawi mi tungah thupeelin na gamta hi.