Mattiu 5:5 - Tedim Bible

⁵ A lungnem mite in Pasian’ ciamsa leitang ngah ding uh ahih manin thupha ngah mi ahi uh hi.

Tedim Bible Revision 2017

⁵ A lungnem mite in Pasianʼ ciam sa leitang ngah ding uh ahih manin thupha ngah mi ahi uh hi.

Mattiu 5:5 Referans Kwoze

Late 37:11

Ahih hangin lungnemte in leitung luahin, genzawh lohin amaute nuamsa ding uh hi.

Isaiah 29:19

Mi’ nopnehte in Topa’ sungah lungdamna thak ngah ding uh a, Israel-te’ Siangtho Pa’ sungah mizawngte lungdam ding uh hi.

Jeim 3:13

Note lakah pilin thuthei a kisa a om leh kiniamkhiatin pilin, nuntak hoih le gamtat hoih tawh a lahkhiat ding ahi hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Galati 5:23

dikna le pumpi ki-ukzawhna hi a, hih bangin a gamta mite, Thukham in bangmah cih thei lo hi.

Jeim 1:21

Tua ahih manin ngeina hoih lote le gamtat siate khempeuh nusia unla, Pasian’ thu mangin note’ lungsim sungah a hong koih thu zui un. Tua thu in note hong honkhia thei hi.

Late 25:9

Amah in lungsim kiniamkhiatte a manah paipihin a zia a tong a hilh hi.

Gamlak-vakna 12:3

Moses a lungnem mahmah hi a, leitung a om mi khempeuh sangin a lungnemzaw ahi hi.

Kolose 3:12

Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Efesa 4:2

Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.

1 PETER MASA 3:15

Na lungsim sung uhah Khrih zahtakbawl unla, amah Topa-in nei un. Note’ lametna thu a hong dong a omkhak leh hoihtakin a genthei dingin kiging tawntung unla, ahi zongin lungnemna le zahtakna lim tawh gen un.

Zefaniah 2:3

Kiniamkhiatin, Topa’ thupiakna a mang Judah gammi khempeuh aw, Topa’ kiang zuan un. A manin gamta unla, kiniamkhiat un. Tua hileh Topa’ hehna hong kilat ciangin, tua hehna hangin gimna panin na peng khathei ding uh hi.

Titu 3:2

kuamah gensia loin, mite tawh kilemin kikhawl thei-in, lungsim nemin, mi khempeuh tungah a dik nading uh na gen in.

Late 37:22

Bang hang hiam cih leh Topa’ thupha piakte in leitung luah ding uh a, ahih hangin a samsiatte kipuaseh ding hi.

Late 37:9

Bang hang hiam cih leh migilote kipuaseh ding a, ahih hangin Topa a ngakte in leitung luah ding uh hi.

1 PETER MASA 3:4

Pasian’ muhna-ah a manpha mahmah ahi lungsim puakzia, a tul thei lo sunglam hoihna na bulphuh zaw un.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Late 25:13

Amah nuamsa tawntung ding a, a tate in leitang nei ding uh hi.

1 TIMOTI MASA 6:11

Ahi zongin Pasian’ mi ahi nangmah in tua thute khempeuh pelh inla, thuman thutak, Pasian’ deih bangin nuntakna, upna, itna, kipna, le lungnemna na neihzawh nadingin hanciam in.

Late 69:32

Netniamna a thuakte in hih thu mu-in lungdam uh hen. Pasian a zong note aw, na lungsim uh nosuaksakkik un.

Late 37:29

Thuman mi in leitung luah ding a, tua leitang tungah teng paisuak ding hi.

Late 37:34

Topa ngak inla, ama lampi zui in. Leitang a luah dingin nang hong liansak ding a, migilote’ siatna nangmah in na en ding hi.

2 TIMOTI NIHNA 2:25

thunem tawh a langte’ hoih lohna a puahtheite hi ding hi. Tua bang hileh Pasian in amaute kisiksak thei ding a, thuman thutak hong thei-in,

ROM (Romans) 4:13

Abraham le a suan a khakte in leitung luah ding hi, ci-in Pasian in thu a ciamna pen Abraham in Thukham a zuihna hang hi loin, a upna hangin Pasian in mihoihin a sanna hang ahi hi.

Late 147:6

Topa in a kisikcip mite laamto-in, migilote leilak a denna hi.

Mattiu 21:5

Tua a genna-ah, “En un, na kumpipa uh hong pai hi. Kiniamkhiatna tawh lapi tung le lano tungah tuangin hong pai hi, ci-in Zion khuamite kiangah gen un,” a ci hi.

Isaiah 60:21

Na mihingte khempeuh thuman ding uh hi. Keima min a than nadingin keima suansa kung, ka khut tawh ka sepsa gam pen amaute in nei paisuak ding uh hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Late 22:26

Gimna a thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!