Mattiu 5:46 - Tedim Bible

⁴⁶ Tua ahih manin no hong itte bek na it uhleh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Tedim Bible Revision 2017

⁴⁶ Tua ahih manin no hong itte bek na it uh leh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Mattiu 5:46 Referans Kwoze

Mattiu 11:19

Mihing Tapa hong pai leuleu a, zune anne-in a om ciangin, ‘Zuhai anhai pa; siahdongte le midangte in a kikholhpih nop loh mite tawh a kikhawlpa,’ ci leuleu uh hi. Ahi zongin Pasian’ pilna a man taktakna thu a gah panin hong kilang hi,” a ci hi.

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Luka 15:1

Khatvei, Jesuh’ thugen a ngai dingin siahdongte le mawhneite tampi tak a hong pai uh hi.

Mattiu 18:17

Amah in tua mite’ thu a mannop kei leh pawlpite tungah a thu ko un. Pawlpite’ thu nangawn a mannop kei leh Gentail mite le siahdongte bangin na ngaihsun un.

Mattiu 6:1

“Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Luka 19:7

Hih thu a thei mi khempeuh phun uh a, “Mimawh pa’ inn-ah a giak dingin Jesuh a pai hi,” a ci uh hi.

Luka 19:2

Zakkhias a kici siahdong ukpa khat na om a, amah mihau khat ahi hi.

Mattiu 5:47

Na lawmte bek uh hopihin thupha na piak uhleh mi mawkmawkte sangin na hoihzawkna uh bang om ahi hiam? Gentail mite nangawn in tua bang ciang lel hih thei uh hi.

Marka 2:15

Tua nung ciangin Jesuh in Levi’ inn-ah an a va ne hi. Siahdong mi tampi le thukham a khial mi tampite in Jesuh zui uh a, amaute tampi in Jesuh le a nungzuite tawh an a nekhawm uh hi.

Marka 2:16

Hih thukham khialte le siahdongte tawh Jesuh in an a nekkhopna Farisi mite sung panin Thukham hilh siate pawlkhat in a muh uh ciangin a nungzuite kiangah, “Bang hangin hih bang mite tawh an nekhawm ahi hiam?” ci-in a dong uh hi.

Luka 3:12

Siahdongte pawlkhat zong tui a kiphum dingin hong pai-in Johan kiangah, “Sia aw, bangci gamtat ding ka hi uh hiam?” ci-in a dong uh hi.

Luka 5:29

Tua ciangin Levi in ama inn-ah Jesuh vakna annek pawipi bawl a, annekna sabuai-ah siahdong dang tampite le midangte zong tawh a tukhawm uh hi.

Luka 5:30

Farisi mite le amau sung panin Thukham hilh siate, nungzuite tungah phun uh a, “Bang hangin siahdongte le thukham khial mite tawh an nekhawm na hi uh hiam?” a ci uh hi.

Luka 7:29

Siahdongte le midangte khempeuh in hih thu a zak uh ciangin Pasian’ deihna zui-in Johan’ khut sungah tui a kiphum uh hi.

Luka 7:34

Mihing Tapa hong pai leuleu a, zune anne-in a om ciangin, ‘Zuhai, anhai pa, siahdongte le midangte in a kikholhpih nop loh mite tawh a kikhawlpa,’ ci leuleu uh hi.