Mattiu 5:29 - Tedim Bible

²⁹ Tua ahih manin na mit taklam in na mawh nading hong piansak leh khelkhia inla paai in. Na pumpi bupin hell khuk sungah hong kikhul sangin na pumpi na khat pelem leh nang a dingin hoihzaw lai hi.

Tedim Bible Revision 2017

²⁹ Tua ahih manin na mit taklam in na mawh nading hong piansak leh khel khia inla paai in. Na pumpi bupin hell khuk sungah hong kikhul sangin na pumpi na khat pelhem leh nang adingin hoih zaw lai hi.

Mattiu 5:29 Referans Kwoze

ROM (Romans) 8:13

Na pumpi uh deihna zui-in na gamtat uhleh na si ding uh a, ahi zongin Kha Siangtho huhna tawh na mawh gamtatnate uh na sihsak uhleh na nungta ding uh hi.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna, le milim biakna nam khat ahih manin huaihamna ahi note sungah a om leitung lungsimte na sisak un.

1 KORIN MASA 9:27

Kimawlna sungah midangte a kihel dingin a sam hinapi-in tua kimawlna-ah a kihel zo lo mi ka suahkhak loh nadingin ka pumpi seekin hoihtakin ka ki-uk hi.

ROM (Romans) 6:6

Mawhna khutnuai-ah eite i om nawn loh nadingin mawhnopna lungsim i neihnateng i sucip a, singlamteh tungah Khrih a sih laitak mahin i ngeina luiteng a sisak khawm ihihna thu i thei hi.

Galati 5:24

Tua hi a, Jesuh Khrih a zui mite in a leitung lungsim pianzia uh le a leitung lungsim deihna khempeuh uh a phiat khitsa ahi hi.

Marka 8:36

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam?

Mattiu 19:12

Mi pawlkhat a pianpihin gehsa bang om a, pawlkhatte a kigettawm om a, pawlkhatte pen vantung ki-ukna hangin geh bangin a om hi. Geh bangin a omzote om ta hen,” a ci hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Mattiu 23:15

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in mi khat bek nangawn na ngah zawh nading uh na hanciamna un leitung tuitung lumletin khual na zin uh a, na ngahsunte uh zong note zah nihin a siahuai, hell khuk tung ding mi na suah uh hi.

Mattiu 16:26

Mi khatpeuh in hih leitung khempeuh a ngah hangin a nuntakna bulpi suplawh leh bang phattuamna om ahi hiam? A nuntakna bang tawh leikik thei nawn ding ahi hiam?

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Luka 12:5

Kuate kihta ding na hi uh hiam cih leh, mite in a thah khitsa mipa pen hell khuk sungah a khiathuah theilai Pasian na kihta un.

Mattiu 5:30

Na taklam khut in na mawh nading hong piansak leh sattan inla paai in. Na pumpi bupin hell khuk sungah hong kikhul sangin na pumpi na khat pelem leh nang a dingin hoihzaw lai hi.

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Mattiu 17:27

Ahi zongin amau’ nasepna a nawngkaisak i suahkhak loh nadingin tuili-ah nga siahna sikkawi va khia inla, a awk masa penpen hong kaikhia in. Tua a ngasa kam sung en lecin dangka tang peek khat na om ding hi. Tua sum la inla, ei tegel a dingin biakinn siah va pia in,” a ci hi.

JOB (Job) 20:13

amah in muammuam nuamin siakhia nuam lo a, lim sa mahmahin a dangtawng denna-in a neih hangin,