Mattiu 5:25 - Tedim Bible

²⁵ Nangma tungah mi khatpeuh lungkim loin zumah hong khiat leh, zum na tun ma-un hun om lai-in na kilem pak nadingin hanciam in. Tua hikeileh zum na tun uh ciangin thukhente khutsung na tung ding a, thukhente in palikte khut sungah hong apin, palikte in thong sungah hong khum ding hi.

Tedim Bible Revision 2017

²⁵ Nangma tungah mi khatpeuh lungkim loin zumah hong khiat leh, zum na tun ma-un hun om lai-in na kilem pak nadingin hanciam in. Tua hikeileh zum na tun uh ciangin thukhente khut sung na tung dinga, thukhente in palikte khut sungah hong apin, palikte in thong sungah hong khum ding hi.

Mattiu 5:25 Referans Kwoze

Paunak 25:8

Thu khatpeuh na theih ciangin thukhen zum tun pah kei in. Na vengpa in nang’ khialhna hong laktel kik leh nang bang lawh nawn ding na hi hiam?

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhna’ khemsa-in ta-in na lungsim uh na khauhsakkhak loh nadingun khatlekhat kihanthawnin na kihuhzaw un.

Hebru 3:7

Tua ahih ciangin Lai Siangtho sungah, “Tu ni-in Pasian’ aw na zak uhleh

Hebru 12:17

Bang hang hiam cih leh Esau in a pa kiang panin thupha ngahkik nuamin khitui naptui tawh a nget hangin a gamtatnasa a bawlkik theih nading lampi om nawn lo ahih manin bangmah ngahthei tuan nawn lo hi.

JOB (Job) 22:21

“Job aw, tu-in Pasian tawh kilem inla, amah galbawl nawn kei in. Tua hileh amah in nang thupha hong pia ding hi.

2 KORIN NIHNA 6:2

Bang hang hiam cih leh Pasian in, “A hunhoih a tun ciangin note’ hong ngetna ka hong ngai a, kong hotkhiat ni ding ciangin note ka hong huh hi,” na ci hi. Tua hi a, tuhun pen a hunhoih hi a, tuhun pen hotkhiat ni hun hita hi.

Late 32:6

Tua ahih ciangin nang hong kimuh theih lai-in mihoih khempeuh, nang tungah thu kingensak in. Tua hileh tuikhang in amaute ban lo ding hi.

Mattiu 26:58

Peter in siampi lianpen pa’ inntual ciang dong Jesuh’ nung galzuih a, bang thu a piang hiam cih a theih nadingin inntualah palikte kiangah a om hi.

Luka 18:3

Tua khuasung mahah meigong numei khat zong om a, ama kiangah hong pai tawntungin, ‘Ka thu uh hong khensak in,’ ci-in a thum tawntung hi.