Mattiu 5:20 - Tedim Bible

²⁰ Tua ahih manin Pasian’ deihna bangin gamtat nading thu-ah Thukham hilh siate le Farisi mite sangin na cihtakzawk uhleh vantung ki-ukna sungah a om thei bek ding na hi uh hi.

Tedim Bible Revision 2017

²⁰ Tua ahih manin Pasianʼ deihna bangin gamtat nading thu ah Thukham hilh siate le Farisi mite sangin na cihtak zawk uh leh vantung ki-ukna sungah a om thei bek ding na hi uh hi.

Mattiu 5:20 Referans Kwoze

Filippi 3:9

Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesuh Khrih upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

2 KORIN NIHNA 5:17

Tua ahih manin mi khatpeuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lutthei kim lo ding uh a, vantungah a om ka Pa’ deihna bangin a gamtateng bek lutthei ding uh hi.

Mangmuhna 21:27

Ahi zongin a siang lo, a hoih loin a gamta mi, zuau a gen mite kuamah lut thei lo ding uh a, a nungta mite a kigelhna Tuuno laibu sungah a min a omte bek tua khuapi sungah lutthei ding uh hi.

Luka 18:17

Ke’n kong cihin-ah, naupang bangin Pasian’ Ukna a mang lo peuhmah Pasian’ Ukna sungah om thei lo ding hi,” a ci hi.

Luka 12:1

Mi a tul tampite hong kikhawmin khatlekhat a kisikkha gawp dongin kinehcipin a om laitakin Jesuh in a nungzuite kiangah thu gen masa a, “Farisi mite’ kineihkhemna ahi, a silngo uh limtakin kidawm un.

Luka 11:44

A kiciamteh lo hankhuk, mite in a theih loh manun a va sikkhakna munte tawh na kibang uh hi,” a ci hi.

Marka 10:25

Pasian’ ukna sungah mihau khat a lut ding sangin phim bilvang sungah kalaoh khat a lut ding baihzaw lai hi,” a ci hi.

Marka 10:15

Hih naupangno khat’ man’ bangin Pasian’ Ukna a mang lo mi peuhmah Pasian’ Ukna sungah om lo ding ahihna thei un,” a ci hi.

Mattiu 18:5

Keima min hangin hih bang naupang khat a limbawl mi in kei zong hong limbawl ahi hi.

Mattiu 3:10

Tu mahmahin sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Mattiu 16:12

Tua bangin thu a gen ciangin anlum a kisawh silngo thu a gen hi loin, Farisi-te le Saddusi-te’ thuhilhna a gen ahihlam a phawk pan uh hi.

2 KORIN NIHNA 3:9

Mite mawhsakin thukhen nasepna-ah tuazahin minthanna vangtaang om ahihleh mite dik hi, ci-in genkhiat nasepna-ah a minthanna vangtaang lianzaw kan lai ding hi.