Mattiu 4:6 - Tedim Bible

⁶ “Pasian’ Tapa taktak na hih le Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete le suang a kitahkhak loh nadingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuaksuk in,” a ci hi.

Tedim Bible Revision 2017

⁶ “Pasianʼ Tapa taktak na hih leh Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete le suang a kitah khak loh nadingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuak suk in,” a ci hi.

Mattiu 4:6 Referans Kwoze

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Late 34:7

Amah a zahtakte’ kiimah Topa’ vantungmi in giahphual sat a, amaute a honkhia hi.

2 KORIN NIHNA 11:14

Tua pen lamdangsak ding hi lo hi. Satan nangawn Pasian’ vantungmi tawh a kibangin kibawltawm thei hi.

Late 34:20

Amah in thuman mipa kem a, a guh khat zong kitan lo hi.

Mattiu 4:4

Ahi zongin Jesuh in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

JOB (Job) 5:23

Bang hang hiam cih leh na lo sungah suang om lo ding a, gamlak gamsate in hong su lo ding hi.

JOB (Job) 1:10

Amah le a innkuan le a neihsate khempeuh na hutna-in a kimkotah daai khan hi lo na hi hiam? Ama hihna khempeuhah thupha na pia a, genzawh lohin ama neihsa pung hi.